قوردىڭ مالىمەتىنشە, ءدال وسى كۇنى ەلىمىزدىڭ 13 وڭىرىندە 33 ءسابي ومىرگە كەلىپ, ولاردىڭ بارلىعىنا ۇلى اقىننىڭ ەسىمى بەرىلگەن. ەڭ كوپ اباي ەسىمدى نارەستەلەر شىمكەنت قالاسىندا, قىزىلوردا جانە اقتوبە وبلىستارىندا تىركەلدى, ءار وڭىردە ءۇش بالادان.
تولەم الۋ ءۇشىن اتا-انالار Assyltas قورىنىڭ ەلەكتروندى پوشتاسىنا ءوتىنىم جولداۋى ءتيىس. قور العاشقى وتىنىشتەردى قابىلداپ ۇلگەرگەنىن, ال قاراجات ءبىر اي ىشىندە اۋدارىلاتىنىن حابارلادى.
بۇل باستاما اقىن مۇراسىن دارىپتەپ قانا قويماي, جاس بۋىنعا ونىڭ اتىن قۇرمەتپەن جەتكىزۋگە باعىتتالعان سيمۆوليكالىق قولداۋ رەتىندە باعالانىپ وتىر.
