فوتو: eldala.kz
ەگىن جيناۋ ناۋقانىنا 7,9 مىڭ استىق جينايتىن كومباين جانە 8,2 مىڭ جۇك اۆتوموبيلدەرى پايدالانىلادى.
قوستاناي وبلىسىندا كۇزگى دالا جۇمىستارى ءۇشىن 83 مىڭ توننا ديزەل وتىنى بولىنگەن. ونىڭ 15,6 مىڭ تونناسى شىلدە ايىندا قولجەتىمدى بولعان, ال 29,6 مىڭ تونناسىن بەرۋ تامىزعا جوسپارلانعان. جەتكىزۋدى 20 وپەراتور, سونىڭ ىشىندە ءوز رەسۋرستارىن پايدالاناتىن بەس كاسىپورىن قامتاماسىز ەتەدى.
وڭىردە جاڭا ەگىندى ساقتاۋ ءۇشىن جالپى سىيىمدىلىعى 3 ملن توننا بولاتىن 34 ليتسەنزيالانعان استىق قابىلداۋ كاسىپورنى جۇمىس ىستەيدى. تاعى 5,3 ملن توننانى شارۋاشىلىق جۇرگىزۋشى سۋبەكتىلەردىڭ قويمالارى قامتاماسىز ەتەدى. سونىمەن قاتار وبلىستا ەگىندى ساقتاپ, سالۋ ءۇشىن 415 استىق كەپتىرۋ اگرەگاتى ورناتىلعان.
