ء«بۇل ماسەلە كۇن تارتىبىندە تۇر. دەكلاراتسيالار 17 قىركۇيەككە دەيىن وتكىزىلەدى. جىلدىڭ سوڭىنا دەيىن جاريالانادى. بىلتىر زاڭداستىرىلعان نىساندارعا قاتىستى اقپاراتتار جاريالانادى. دەكلاراتسيادا جالاقى كورسەتىلمەيدى. سەبەبى ءبىز قارجى مينيسترلىگى ونى كورىپ وتىرمىز. دەكلاراتسيادا تەك اكتيۆتەردىڭ قوزعالىسى كورسەتىلەدى», – دەدى ءمادي تاكيەۆ ۇكىمەتتە وتكەن ءباسپاسوز بريفينگىندە Ulysmedia ءتىلشىسىنىڭ سۇراعىنا.
ۇلتتىق ەكونوميكا ءمينيسترى سەرىك جۇمانعارين دەكالاراتسيادا بىلتىرعى جىلى ساتىپ الىنعان دۇنيە-م ۇلىك كورسەتىلەتىنىن ايتىپ, جۋرناليستەرگە قاراتا «سىزدەر ءۇشىن جىلدىڭ سوڭى قىزىقتى بولادى» دەدى.
مەملەكەتتىك كىرىس كوميتەتىنىڭ اقپاراتىنا سايكەس, قازاقستاندا تابىس دەكلاراتسياسىن تاپسىراتىن مەملەكەتتىك قىزمەتكەر سانى – 580 مىڭ. بۇعان مەملەكەتتىك قىزمەتكەرگە تەڭەستىرىلگەن ادامدار جانە ولاردىڭ جۇبايلارى دا كىرەدى.
كىرىس كوميتەتىنىڭ مالىمەتىنشە, دەكلاراتسياسى اشىق دەرەككوزگە سالىناتىن ساياسي جانە اكىمشىلىك قىزمەتكەرلەردىڭ ءتىزىمىن مەملەكەتتىك قىزمەت ىستەرى جونىندەگى ورگاننىڭ ۇسىنىسىمەن قازاقستان پرەزيدەنتى بەكىتەدى.
ال دەكلاراتسيا دەرەكتەرى مەملەكەتتىك ورگانداردىڭ, ۇيىمداردىڭ, جوعارعى سوتتىڭ رەسمي ينتەرنەت-رەسۋرستارىندا جاريالانادى.
بيلىك تابىس دەكلاراتسياسىن جاريالاۋ – زاڭسىز تابىسپەن جانە جەمقورلىقپەن كۇرەس دەپ سانايدى.
قازاقستاندا جالپىعا ورتاق دەكلاراتسيا تارتىبىنە سايكەس, 2024 جىلى زاڭدى تۇلعالاردىڭ باسشىلارى مەن قۇرىلتايشىلارى, جەكە كاسىپكەرلەر, سونداي-اق ولاردىڭ جۇبايلارى تابىس دەكلاراتسياسىن تاپسىرعان.
بيىل قالعان ازاماتتار تابىس دەكلاراتسياسىن تاپسىرۋعا ءتيىس ەدى. الايدا بىلتىر قاراشادا پرەزيدەنت ۇسىنىسىنان كەيىن قارجى مينيسترلىگى قاراپايىم ازاماتتاردى دەكلاراتسيا تاپسىرۋدان بوساتقان.
