جينالعاندار الدىمەن ءبىر مينۋت ۇنسىزدىكپەن قىزمەت بارىسىندا قازا تاپقان ۇلاندىق جاۋىنگەرلەردى ەسكە الدى. سودان كەيىن باتىر ساربازدىڭ اكەسىنە ءسوز بەرىلدى.
ء«بىزدىڭ بالامىز الدىمەن ءبىر جىل بويى ءوزىن-ءوزى اسكەرگە دايىندادى. ارمياعا ءوز ىقتيارمەن اتتاندى. ول وفيتسەر بولسام دەپ ارماندادى. بىراق وتتاي جالىنداپ تۇرعان ۇلىمىزدى سۇم اجال ارامىزدان ەرتە الىپ كەتتى. ول وتانىن قورعاۋ جولىندا ەرلىكپەن قازا تاپتى. تاعدىرعا كونبەسكە امال جوق. ەڭ باستىسى قايعىلى وقيعالار قايتالانباسىن, ءار سارباز ۇيىنە امان-ەسەن ورالسىن. ەل امان, جۇرت تىنىش بولسىن», دەدى ە.امان ۇلى.
سونداي-اق باتىردىڭ اناسى دا جاۋىنگەرلەر الدىندا ءسوز سويلەدى.
«كەز كەلگەن جەردە ۇلتتىق ۇلان ساربازىن كەزىكتىرگەندە ۇلىمدى كورگەندەي بولامىن. ارقاشان سەندەردىڭ اماندىقتارىڭدى تىلەپ جۇرگەن اتا-انالارىڭنىڭ كوڭىلىن قالدىرماڭدار. انالارىڭا مۇمكىندىك بولعان كەزدە ءجيى-ءجيى حابارلاسىپ تۇرىڭدار. مەنىڭ ايباتىم سەندەر سەكىلدى جاۋىنگەر بولىپ, انتىنا ادالدىق تانىتتى. ول ماعان ءجيى حابارلاساتىن. سوڭعى رەت ومىردەن وتەر الدىندا, ياعني جاڭا جىل كۇنى سويلەستىك. سوندا باتىر ۇلىمنىڭ داۋىسىن ەڭ سوڭعى رەت ەستىگەن ەكەنمىن», دەدى ول.
ءىس-شارا بارىسىندا ايبات امانوۆ تۋرالى دەرەكتى فيلم كورسەتىلدى.
«ۇلتتىق ۇلان ساربازدارى ارقاشان ەلدىك پەن ەرلىكتىڭ اسقاق ۇلگىسىن كورسەتىپ كەلەدى. سىزدەردىڭ ۇلدارىڭىز – وتان ءۇشىن جانىن پيدا ەتكەن باتىرىمىزدىڭ ءبىرى. ونىڭ انتقا ادال, سوزگە بەرىك ناعىز جاۋىنگەر بولعانىن بىلەمىز. سوندىقتان وسىنداي ازاماتتى ومىرگە اكەلگەن سىزدەردىڭ الدارىڭىزدا باس ءيىپ, العىسىمىزدى بىلدىرەمىز», دەدى 5573 اسكەري ءبولىم كومانديرىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى, پودپولكوۆنيك اسلان ورازالين.
