فوتو: ەحاقم
بايقاۋ جىل سايىن ەكى كەزەڭدە – وبلىستىق جانە رەسپۋبليكالىق دەڭگەيدە, ءۇش نوميناتسيا بويىنشا وتكىزىلەدى:
«ۇزدىك ەڭبەك اۋلەتى» – ەڭبەك ءوتىلى ەڭ ۇزاق, ماراپاتى ەڭ كوپ اۋلەت تاڭدالادى.
«جۇمىس ىستەيتىن جاستاردىڭ ۇزدىك تالىمگەرى» – جۇمىس ءوتىلى كەمىندە 20 جىل, جوعارى ءتيىمدى جۇمىس ىستەيتىن تالىمگەر تاڭدالادى.
ء«وندىرىستىڭ ۇزدىك جاس مامانى» – جۇمىس ءوتىلى 5 جىلدان اسپايتىن, ەڭ بەلسەندى جانە ەڭبەكقور ءوندىرىس جۇمىسكەرى تاڭدالادى.
بايقاۋدىڭ وبلىستىق كەزەڭى شىلدە ايىندا اياقتالدى. بيىل جەرگىلىكتى اتقارۋشى ورگاندار 17 وبلىس پەن رەسپۋبليكالىق ماڭىزى بار 3 قالادان 505 ءوتىنىشتى قابىلداپ, رەسپۋبليكالىق كەزەڭىندە ءوز وڭىرلەرىن قورعايتىن 60 جەڭىمپاز ىرىكتەلدى.
بايقاۋ جەڭىمپازدارىن ەحاقم جانىنداعى رەسپۋبليكالىق كوميسسيا انىقتايدى. كوميسسيا قۇرامىنا ۆەدومستۆو وكىلدەرى, پارلامەنت دەپۋتاتتارى, الەۋمەتتىك سەرىكتەستىكتەر, «قازاقستاننىڭ ەت-ءسۇت وداعى» زتب جانە قازاقستان قۇرىلىسشىلار قاۋىمداستىعىنىڭ وكىلدەرى كىرەدى.
«ەڭبەك جولى» بايقاۋىنىڭ جەڭىمپازدارىن ماراپاتتاۋ ءراسىمى جەلتوقسان ايىندا جۇمىسشى ماماندىقتارى جىلىنىڭ جابىلۋىنا ارنالعان شارادا وتەدى دەپ جوسپارلانىپ وتىر.
