شاراعا وبلىس باسشىلىعى, زيالى قاۋىم وكىلدەرى, قالا تۇرعىندارى جانە جاستار قاتىستى.
اباي – قازاق حالقىنىڭ رۋحاني كوشباسشىسى, ۇلتتىق سانانى قالىپتاستىرعان ۇلى تۇلعا. ونىڭ شىعارماشىلىق مۇراسى – ادامزاتقا ورتاق قازىنا, ۇلت مادەنيەتى مەن ادەبيەتىنىڭ التىن ارقاۋى. اباي تۋىندىلارى ەل بىرلىگى مەن رۋحانياتىنىڭ بەرىك تىرەگىنە اينالدى.
«قازاقتىڭ باس اقىنى – اباي قۇنانباەۆ. ونان اسقان بۇرىنعى-سوڭعى زاماندا قازاق بالاسىندا ءبىز بىلەتىن اقىن بولعان جوق», – دەپ احمەت بايتۇرسىن ۇلى اتاپ وتكەندەي, ۇلى ەسىمدى ۇلىقتاۋ – بۇگىنگى ۇرپاقتىڭ پارىزى.
ءراسىم بارىسىندا اقىننىڭ «نۇرلى اسپانعا تىرىسىپ وسكەنسىڭ سەن» ولەڭى وقىلىپ, «كوزىمنىڭ قاراسى» ءانى ورىندالدى.
مەرەيتوي اياسىندا وبلىس كولەمىندە, قالا, اۋدان جانە اۋىلدىق ەلدى مەكەندەردە بايقاۋلار, ينتەللەكتۋالدى سايىستار مەن ءتۇرلى مادەني ءىس-شارالار ۇيىمداستىرىلدى.
