فوتو: الەۋمەتتىك جەلىدەن
بىلتىر كوكتەم ايىندا «مەتاللۋرگ» ساياباعىنا جاڭا ەسكەرتكىش ورناتىلعان. الايدا مۇسىندە ونىڭ كىمگە ارنالعانى كورسەتىلمەگەن. ءبىر جىلدان كەيىن ءمۇسىن جوعالىپ, ەسكەرتكىش تۇرعان تۇعىرتاس قيراعان كۇيى قالعان. سىنعان تاستاردى كورگەن تۇرعىندار بۇل بەي-بەرەكەتسىزدىكتى الەۋمەتتىك جەلىگە جاريالاعان.
قالا اكىمدىگى ءمۇسىننىڭ ساياباق اۋماعىنىڭ يدەولوگيالىق تۇجىرىمداماسىنا سايكەس كەلمەي قالعانىن مالىمدەدى. نەلىكتەن بۇل ماسەلە تەك ءبىر جىلدان كەيىن انىقتالعانى ناقتىلانبادى. سونداي-اق ەسكەرتكىشكە قانشا قاراجات جۇمسالعانى دا ايتىلمادى. ناتيجەسىندە ءمۇسىندى باسقا جەرگە كوشىرۋ تۋرالى شەشىم قابىلدانعان. بىراق ناقتى قاي جەرگە ورناتىلاتىنى ازىرگە بەلگىسىز.
«تاقىرىپتىق بىرىزدىلىكتى ساقتاۋ جانە سپورت قاۋىمداستىعىنىڭ ۇسىنىستارىن ەسكەرە وتىرىپ, قازىرگى تاڭدا ونى باسقا جەرگە ورناتۋ ماسەلەسى قاراستىرىلىپ جاتىر. قازىرگى ۋاقىتتا ءمۇسىن اكىمدىكتىڭ جاۋاپتى ساقتالۋىندا تۇر. بۇل ماسەلە سپورت ارداگەرلەرى مەن ەڭبەك سىڭىرگەن سپورت قايراتكەرلەرىمەن بىرلەسىپ تالقىلانىپ جاتىر», دەيدى وسكەمەن قالاسى اكىمدىگىنىڭ ءباسپاسوز قىزمەتى.
شانحايداعى پۋشكين ەسكەرتكىشى: ەكى رەت قيراتىلىپ, قايتا تۇرعىزىلعان كەشەن تۋرالى از-كەم اڭگىمە
ەسكە سالايىق, سوڭعى ۋاقىتتا الەۋمەتتىك جەلىلەردە تانىمال بولۋ ماقساتىندا تابيعات پەن تاريحي نىسانداردى ءبۇلدىرۋ جاعدايلارى جيىلەپ كەتتى. ىشكى ىستەر مينيسترلىگى مۇنداي ارەكەتتەر ءۇشىن قىلمىستىق جاۋاپكەرشىلىك قاراستىرىلعانىن تاعى دا ەسكەرتتى.
