فوتو: Depositphotos.com
تەرگەۋ مالىمەتىنشە, كۇدىكتى ەر ادامنان 500 مىڭ تەڭگە تالاپ ەتكەن. ەگەر ايتقانىن ورىنداماسا, ونىڭ جەكە ومىرىنە قاتىستى اقپاراتتى تاراتىپ, جەكە سۋرەتتەرىن جاريالايتىنىن ايتقان. الايدا ايەل ءوز جوسپارىن سوڭىنا دەيىن جۇزەگە اسىرا الماعان. وقيعا تۋرالى پوليتسياعا حابار ءتۇسىپ, جەدەل ارەكەت بارىسىندا كۇدىكتى قولعا تۇسكەن.
باتىس قازاقستان وبلىسى پوليتسيا دەپارتامەنتىنىڭ اعا ينسپەكتورى اليما گاريفۋللينانىڭ ايتۋىنشا, جەدەل-ىزدەستىرۋ شارالارى كەزىندە اقشا قاراجاتى مەن زاڭسىز ارەكەتكە دالەل بولاتىن ۇيالى تەلەفون تاركىلەنگەن.
«وسى دەرەك بويىنشا قىلمىستىق ءىس قوزعالىپ, سوتقا دەيىنگى تەرگەۋ جۇرگىزىلىپ جاتىر», دەدى ول.
كۇدىكتىگە قاتىستى تەرگەۋ امالدارى جالعاسىپ جاتىر, زاڭ بويىنشا 4 جىلعا دەيىن باس بوستاندىعىنان ايىرىلۋى مۇمكىن.
بۇعان دەيىن اقتاۋدا بلوگەرلەردىڭ جەكە ومىرىنە قاتىستى ماتەريالداردى تاراتقان كۇدىكتى ۇستالعانىن جازعان ەدىك.
