شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ شەشىمىمەن 217 قازاقستاندىق "بولاشاق" حالىقارالىق ستيپەندياسىنىڭ يەگەرى اتاندى.
– ونىڭ ىشىندە 167 ادام ماگيستراتۋرادا, 13 ادام دوكتورانتۋرادا وقيدى, ال 37-ءى الەمنىڭ ۇزدىك ۋنيۆەرسيتەتتەرى مەن ورتالىقتارىندا كاسىبي تاعىلىمدامادان وتەدى, – دەپ حابارلادى “حالىقارالىق باعدارلامالار ورتالىعى” اق Telegram-كانالى.
بۇل رەتتە ستيپەندياتتاردىڭ 67,7%-ى جاراتىلىستانۋ-تەحنيكالىق پاندەر بويىنشا, ال 32,3%-ى قوعامدىق-گۋمانيتارلىق بەيىن بويىنشا وقيدى.
بۇعان قوسا, شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ شەشىمىمەن 68 قازاقستاندىققا الەمنىڭ جەتەكشى عىلىمي جانە زەرتتەۋ ورتالىقتارىندا عىلىمي تاعىلىمدامادان وتۋگە ستيپەنديا تاعايىندالدى.
