كەلەڭسىز وقيعا سايرام ايماعىنداعى ورتالىق كوشەلەردىڭ بىرىندە بولعان. پاترۋلدىك پوليتسيا پولكىنىڭ 3-روتا ينسپەكتورلارى – پوليتسيا اعا لەيتەنانتتارى وسكەنباي بەكسۇلتان مەن حامرا نۇرسۇلتان – قىزمەتتىك مىندەتتەرىن اتقارۋ بارىسىندا كولىكتىڭ وتقا ورانعانىن بايقاپ, دەرەۋ سول جەرگە اسىعادى. ولار قىزمەتتىك اۆتوكولىكتەرىنەن ءورت سوندىرگىشتى الىپ شىعىپ, قىزىل جالىنعا ورانعان ماشيناداعى ءورتتى سوندىرۋگە ۇمتىلادى. كەيىن جاقىن ماڭداعى كوگالدى سۋارۋعا ارنالعان قۇبىرشەكپەن كولىككە قاراي سۋ شاشادى. ءورت ءسوندىرۋ قىزمەتى كەلگەنشە ءتارتىپ ساقشىلارى ماشيناداعى ءورتتى ءسوندىرىپ ۇلگەرەدى.
كولىك جۇرگىزۋشىسى پوليتسيا قىزمەتكەرلەرىنىڭ جەدەل ارەكەتىنە ءارى كاسىبي شەبەرلىكتەەرىنە ءتانتى بولىپ شىن جۇرەكتەن العىسىن ءبىلدىردى. باتىلدىقتارىنىڭ ارقاسىندا ءورت دەر كەزىندە اۋىزدىقتالىپ, كولىگى امان قالعانىن, ۇلكەن شىعىنعا ۇشىراماعانىن اتاپ ءوتتى.
پوليتسيا وكىلدەرى مەن ءورت ءسوندىرۋ قىزمەتى ماماندارىنىڭ ايتۋىنشا كولىك قۇرالدارىندا ءورت قاۋىپسىزدىگىن قامتاماسىز ەتۋ ءۇشىن تەز تۇتاناتىن جانە جانعىش سۇيىقتىقتاردى پايدالانۋعا بولمايدى. سونداي-اق, اككۋمۋلياتوردى كولىك ىشىندە زاريادتاماۋ كەرەك. جانە مىندەتتى تۇردە جارامدى ءورت سوندىرگىش قۇرالىن الىپ ءجۇرۋ – قاۋىپسىزدىكتىڭ باستى تالاپتارى بوپ سانالادى.
شىمكەنت قالاسىنىڭ پوليتسەيلەرى ازاماتتاردىڭ قاۋىپسىزدىگى ءۇشىن تاۋلىك بويى قىزمەت اتقارۋدى جالعاستىرادى.
