راسىمەن, قانداي دا ءبىر كوركەم شىعارما وقىرمانعا بەيمالىم ءومىردى تانىتادى. تانىتا تۇرا, ادامدى تاربيەلەيدى. وعان كامەرۋن جازۋشىسى بەنجامەن ءماتيپتىڭ مىنا ءبىر ءسوزى ايقىن دالەل: «مەن قازاقتار تۋرالى ەش نارسە ەستىپ-بىلگەن ەمەس ەدىم. ال قازىر مەن ولاردى بىلەمىن, ءتىپتى, وتە جاقسى بىلەمىن, ويتكەنى جۋىردا اعىلشىن تىلىندە مۇحتار اۋەزوۆتىڭ كەرەمەت كىتابىن وقىدىم. مەن تاماشا تاعدىر يەسى, قازاق حالقىنىڭ اقىنى ابايمەن تانىستىم. بەينە ۇزاق جىلدار بىرگە تۇرىپ, قايعى-قۋانىشىن بىرگە بولىسكەن ادامداي جاقسى كوردىم. سولارمەن بىرگە ءتىپتى دارقان دالانىڭ تۇنىق اۋاسىمەن تىنىستاعان سەكىلدىمىن. شىنىندا دا, قازاق دەگەنىڭىز عالامات سۇلۋ حالىق ەكەن عوي».
