باقىلاۋ كامەراسىنان الىنعان ۆيدەودا ءبۇلدىرشىننىڭ ايقايلاپ, ءوزىن قورعاۋعا تىرىسقانى, ونى ۇرىپ, تىستەپ, موينىنان ۇستاپ توسەككە باسىپ جاتقانى انىق كورىنەدى. بۇل جاعداي شامامەن 15 مينۋتقا سوزىلعان. وسى ۋاقىتتا بولمەدە بىردە-ءبىر تاربيەشى نەمەسە كۇتۋشى بولماعان, ەشكىم ارالاسپاعان.
اتا-انالار وقيعا تۋرالى كەشكە, قىزدارىن الىپ كەتۋگە كەلگەن كەزدە عانا بىلگەن. ءبۇلدىرشىننىڭ بەتى ءىسىپ كەتكەن, دەنەسىندە تىستەگەن ىزدەر, كوگەرگەن جەرلەر مەن جاراقاتتار بولعان.
بالاباقشا قىزمەتكەرلەرى دارىگەر شاقىرماعان جانە اتا-اناسىنا ەشقانداي ەسكەرتۋ جاساماعان. وقيعانىڭ ۆيدەوسىن تالاپ ەتكەن كەزدە بالاباقشا باسشىلىعى "ماسەلەنى پوليتسياسىز شەشۋدى" ۇسىنعان.
- ۆيدەودا قىزىمدى ۇرىپ, تۇنشىقتىرىپ جاتقانى انىق كورىنەدى. بولمەدە بىردە-ءبىر ەرەسەك ادام جوق. ەگەر ول كوز جۇمعاندا عانا قيمىلدايتىن با ەدىڭىزدەر؟ - دەيدى زارداپ شەككەن بالانىڭ اناسى.
اتالعان فاكتى بويىنشا قىلمىستىق كودەكستىڭ 140-بابى — "كامەلەتكە تولماعان بالانى تاربيەلەۋ جونiندەگi مiندەتتەردi ورىنداماۋ" بويىنشا قىلمىستىق ءىس قوزعالدى.
- تەرگەۋ بارىسى ماڭعىستاۋ وبلىستىق پوليتسيا دەپارتامەنتى باسشىلىعىنىڭ باقىلاۋىندا. قازىر تەرگەۋ امالدارى جۇرگىزىلىپ جاتىر, - دەپ حابارلادى پوليتسيا وكىلدەرى.
