فوتو: اشىق دەرەككوز
دەپارتامەنتتىڭ مالىمەتىنە سۇيەنسەك, مەملەكەتتىك كاسىپورىنداردىڭ قىزمەتىنە مونوپولياعا قارسى ورگاننىڭ كەلىسىمىنسىز قىزمەت تۇرلەرىن قۇرۋ, كەڭەيتۋ نەمەسە وزگەرتۋ, سونداي-اق كەلىسىلمەگەن قىزمەت تۇرلەرىن جۇزەگە اسىرۋ فاكتىلەرىن انىقتاۋ ماقساتىندا مونيتورينگ جۇرگىزىلدى. مونيتورينگ قورىتىندىسىمەن زاڭ بۇزۋشىلىق انىقتالدى.
«مەملەكەتتىك كاسىپورىندار مونوپولياعا قارسى ورگاننىڭ كەلىسىمىن الماي, مادەنيەت جانە ءبىلىم بەرۋ سالاسىندا قوسىمشا اقىلى قىزمەتتەر كورسەتىپ كەلگەن. اتالعان سالاداعى نەگىزگى ماسەلە – مەملەكەتتىك مەكەمەلەردىڭ قوسىمشا اقىلى قىزمەت كورسەتۋى ارقىلى ادال باسەكەلەستىك قاعيدالارىن بۇزۋى. بۇل جەكە كاسىپكەرلەردىڭ مۇمكىندىگىن شەكتەپ, دامۋىنا كەدەرگى كەلتىرەدى. مەملەكەتتىك ۇيىمداردىڭ باسەكەلەستىك ورتا مەن تاۋار نارىعىنا مۇنداي ارالاسۋى بيزنەستىڭ مۇددەسىن شەكتەپ قانا قويماي, مەملەكەتتىك رەسۋرستاردى ءتيىمدى پايدالانۋعا كەرى اسەرىن تيگىزەدى. مونوپولياعا قارسى زاڭنامانى بۇزۋدىڭ ەكونوميكالىق قانا ەمەس, الەۋمەتتىك سالدارى دا بار», دەپ حابارلادى وڭىرلىك دەپارتامەنتتەن.
