فوتو: تجم
بيىلدىڭ وزىندە استاناداعى ءىرى شارىن جانە بيگ شانحاي بازارلارى ورتەندى. بيگ شانحايداعى ءورت تۋرالى بازار اكىمشىلىگى قۇتقارۋشىلارعا حابارلاماعان. ءباسپاسوز كونفەرەنتسياسىندا توتەنشە جاعدايلار ۆيتسە-ءمينيسترى كەگەن تۇرسىنباەۆ 2023 جىلى موراتوري بولعاندىقتان ءىرى ساۋدا ورىندارى تەكسەرۋدەن تىس قالعانىن ايتتى.
«ودان باسقا ۋاقىتتا 2 مىڭ شارشى مەتر اۋماقتان استام جەردى الىپ جاتقان ساۋدا ۇيلەرىن جىل سايىن تەكسەرىپ كەلەمىز. وسى جىلى سونداي 63 ساۋدا نىسانىن تەكسەردىك. ءورت قاۋىپسىزدىگىن بۇزۋ بويىنشا 941 دەرەك انىقتالدى. قازىرگى كەزدە سالالىق زاڭعا كوپ وزگەرىستەر ەنگىزىلگەن. سونىڭ بىرەۋى – كوپ ادام جينالاتىن, اۋماعى 2 مىڭ شارشى مەتردەن اساتىن ساۋدا نىساندارى ساقتاندىرۋعا جاتادى. وسىنداي وڭ وزگەرىستەر ءورت قاۋىپسىزدىگى دەڭگەيىن ارتتىرادى دەپ ولايمىن», دەدى توتەنشە جاعدايلار ۆيتسە-ءمينيسترى كەگەن تۇرسىنباەۆ.
ۆيتسە-مينيستر بۇگىندە بيگ شانحايدان شىققان ءورت سەبەبىن انىقتاۋ بويىنشا ساراپتاما جۇرگىزىلىپ جاتقانىن جانە وسى ايدىڭ سوڭىنا دەيىن قورىتىندىسى دايىن بولاتىنىن مالىمدەدى.
