سپورت سالاسىنا ولشەۋسىز ەڭبەك سىڭىرگەن بىلىكتى مامانىڭ شاكىرتتەرى الەمدىك ارەنادا ەل نامىسىن قورعادى. ولاردىڭ قاتارىندا يليا يلين, الماس وتەشوۆ, قۋانىش راحاتوۆ, ولەگ شين, رومان رۋسينوۆسكي جانە الەكساندر زايچيكوۆ سىندى تانىمال سپورتشىلار بار. سونىمەن قاتار, جاتتىقتىرۋشى 60-تان استام سپورت شەبەرىن, 12 حالىقارالىق دارەجەدەگى سپورت شەبەرىن جانە 3 قازاقستان رەسپۋبليكاسىنىڭ ەڭبەك سىڭىرگەن سپورت شەبەرىن تاربيەلەپ شىعارعان.
بيىل تۇڭعىش رەت وتكىزىلىپ وتىرعان بۇل رەسپۋبليكالىق دوداعا ەلىمىزدىڭ بارلىق وڭىرىنەن 10 كوماندا قاتىسىپ, 100-گە جۋىق زىلتەمىرشى 8 ءتۇرلى سالماق دارەجەسى بويىنشا سىنعا تۇسەدى. جارىسقا ەرلەر دە, ايەلدەر دە قاتىسۋدا.
اشىلۋ سالتاناتىنا وبلىس اكىمىنىڭ ورىنباسارى مەيرامبەك شەرماعانبەت, جاتتىقتىرۋشى ۆيلوري پاك جانە وبلىستىق اۋىر اتلەتيكا فەدەراتسياسىنىڭ پرەزيدەنتى تەمىرحان بەردالى ۇلى قاتىسىپ, سپورتشىلارعا ساتتىلىك تىلەدى.
جارىس جەڭىمپازدارى ارنايى مەدالدارمەن جانە قوماقتى سىياقىلارمەن ماراپاتتالادى. تۋرنير 13 تامىزعا دەيىن جالعاسادى.
