باق تاراپىنان قويىلعان ساۋالعا توتەنشە جاعدايلار ۆيتسە-ءمينيسترى كەگەن تۇرسىنباەۆ جاۋاپ بەردى. ۆيتسە- پرەمەردىڭ ايتۋىنشا تىكۇشاق بولشەكتەرى تابىلعان سوربۇلاق كولىنىڭ 50 پايىز اۋماعىندا ىزدەۋ جۇمىستارى اياقتالعان.
«الماتى وبلىسىنداعى سوربۇلاق كولىنىڭ تەرەڭدىگى 5-25 مەتردى قۇرايدى. كول ءتۇبى بالشىق, سوندىقتان الداعى 1 مەتر عانا كورىنەدى. ىزدەۋ جۇمىستارىن جۇرگىزۋ ءۇشىن بارلىق قۇرالدار جەتكىلىكتى. ىزدەۋ جۇمىستارى ءمينيستردىڭ باقىلاۋىندا», دەدى كەگەن تۇرسىنباەۆ.
ايتا كەتەيىك, توتەنشە وقيعا بولعان كۇنى قازاقستان رەسپۋبليكاسى قورعانىس ءمينيسترىنىڭ تاپسىرماسى بويىنشا ءمان-جايىن انىقتاۋ ءۇشىن ارنايى كوميسسيا قۇرىلعان بولاتىن. ىزدەۋ جۇمىستارى باستالعالى 10 كۇن وتسە دە تىكۇشاق پەن ەكيپاج مۇشەلەرى تابىلعان جوق. جۇمىس بارىسىندا ەحولوت, درون جانە سۋاستى قۇرىلعىلارى قولدانىلىپ جاتىر.
