«ماسەلەن, 137 جەر قويناۋىن پايدالانۋشىدان 65 ملن تەڭگەنىڭ اۋىل شارۋاشىلىعى شىعىنى مەملەكەت كىرىسىنە اۋدارماعانى انىقتالدى. پروكۋراتۋرانىڭ اكتىسىمەن وسى كەزگە دەيىن 13,8 ملن تەڭگە مەملەكەت پايداسىنا ءوندىرىلدى. «ۇلتتىق يندۋستريالىق مۇناي-حيميا تەحنوپاركى» ارنايى ەكونوميكالىق ايماقتا جۇرگىزىلگەن تەكسەرۋ قورىتىندىسىمەن «اتىراۋ نەفتەحيم» جشس-عا سەنىمگەرلىك باسقارۋعا بەرىلگەن 106 گەكتار جەر تەلىمى ماقساتىنا سايكەس يگەرىلمەگەنى انىقتالدى. قۇنى 1,6 ملرد تەڭگەنىڭ اتالعان جەر تەلىمى ارنايى ەكونوميكالىق ايماق مەنشىگىنە قايتارىلدى. ءوز مىندەتتەمەلەرىن ورىنداماعانى ءۇشىن سوڭعىسى اەا قاتىسۋشىلارى قاتارىنان شىعارىلدى», دەپ حابارلادى پروكۋراتۋرادان.
سونداي-اق, «كيپروس» جشس-عا تيەسىلى 3,46 گەكتار جەر تەلىمىنە قاتىستى ءىس سوتتا قارالعان. اتىراۋ قالاسىنداعى اتالعان جەر تەلىمى پيرس سالۋعا ارنالعان.
«پروكۋرورلىق قاداعالاۋ اكتىسى نەگىزىندە ماقساتىنا سايكەس پايدالانىلماعان جەر تەلىمى مەملەكەت مەنشىگىنە قايتارىلدى. اتالعان جەر تەلىمىنىڭ نارىقتىق قۇنى – 250 ملن تەڭگە. جەر زاڭناماسىن قولدانۋ سالاسىنداعى جۇمىس وبلىس پروكۋراتۋراسىنىڭ ۇنەمى باقىلاۋىندا بولادى», دەپ مالىمدەدى پروكۋراتۋرادان.
