فوتو: ۇكىمەت, تەلەگرام
ول قازىرگى تاڭدا ساۋدا سالاسىندا ءارتۇرلى مەملەكەتتىك ورگاندار كورسەتەتىن مەملەكەتتىك قىزمەتتىڭ 66 ءتۇرى بار ەكەنىن اتاپ ءوتتى. 2024 جىلدىڭ قورىتىندىسىندا 17 مىڭنان استام قىزمەت 100% ونلاين فورماتتا كورسەتىلگەن.
ۇكىمەتتىڭ مالىمەتىنشە تسيفرلاندىرۋ الدىندا مينيسترلىك رەينجينيرينگ پروتسەستەرىنە قاتىستى جۇمىستار جۇرگىزەدى. مىسال رەتىندە «ەلەكتروندى سەرتيفيكات» كەيسىن ايتۋعا بولادى. ۇزاق ۋاقىت بويى بۇل سالادا «سۇر» سەرتيفيكاتتار تىركەۋسىز جانە ناقتى ولشەمسىز جاپپاي شىعارىلدى, سونداي-اق قۇجاتتاردىڭ تۇپنۇسقالىعىن تەكسەرۋ ءۇشىن بىرىڭعاي دەرەكتەر بازاسى بولمادى.
2024 جىلى رەينجينيرينگ ىسكە اسىرىلعاننان كەيىن پروتسەسس تولىعىمەن تسيفرلاندىرىلدى. ناتيجەسىندە «تەحنيكالىق رەتتەۋ» جۇيەسىندە سەرتيفيكاتتاردى مىندەتتى تۇردە تىركەۋ ەنگىزىلىپ, جالپىعا قولجەتىمدى QR ارقىلى زاڭدىلىقتى تەكسەرۋ مۇمكىندىگى ىسكە استى.
«ناتيجەسىندە بەرىلگەن سەرتيفيكاتتار سانى 2 ميلليونعا دەيىن ۇلعايدى جانە 20 ميلليارد تەڭگەگە جۋىق قاراجات كولەڭكەلى ەكونوميكادان شىعارىلدى», دەپ اتاپ ءوتتى ۆيتسە-مينيستر دميتري مۋن.
