وڭىرلىك ءبىلىم بەرۋ باسقارماسىنىڭ دەرەگىنە سۇيەنسەك, جەرگىلىكتى ورتا ءبىلىم بەرۋ ۇيىمدارىنىڭ 5%-ىن (18 باسشى) زەينەت جاسىنداعى ديرەكتورلار باسقارىپ وتىر. ال مەكتەپتەر بويىنشا 45 ديرەكتوردىڭ ورنى بوس تۇر (بارلىق مەكتەپتىڭ 13%-ى).
- بوس ورىنداردىڭ باسىم بولىگى اۋىلدىق جانە شالعاي ەلدى مەكەندەرگە تيەسىلى. بۇل جەرلەردە ۇمىتكەرلەر اراسىنداعى باسەكەلەستىك دەڭگەيى تومەن جانە بىلىكتى كادرلاردىڭ سانى شەكتەۋلى. مۇنداي جاعداي باسشىلاردى ۋاقتىلى تاعايىنداۋدى قيىنداتادى جانە مامانداردى ىرىكتەۋ مەن ورنىقتىرۋ ءۇشىن قوسىمشا شارالاردى قاجەت ەتەدى,-دەپ حابارلادى ءبىلىم بەرۋ باسقارماسىنان.
قازىرگى ۋاقىتتا ديرەكتورلاردى تاعايىنداۋعا كونكۋرس وتكىزۋ جۇمىستارى جۇرگىزىلىپ جاتىر.
بۇدان بولەك, بيىل 13 رەزەرۆيست وقىتۋدان وتۋدە. كادرلىق رەزەرۆتىڭ قورىتىندى كەزەڭى اياقتالعان سوڭ ولاردى وبلىس ءبىلىم بەرۋ ۇيىمدارىنا تاعايىنداۋ جوسپارلانعان. ال وبلىستىق كادرلىق رەزەرۆتە 46 رەزەرۆيست ءبىلىم الۋدا.
- وڭىردە كادرلىق رەزەرۆتى جاڭارتۋ جانە سۇيەمەلدەۋ بويىنشا كەشەندى جۇمىستار جۇرگىزىلۋدە. بۇل جۇمىستاردىڭ اياسىندا وقىتۋ سەمينارلارى, كەڭەس بەرۋ, تالىمگەرلىك باعدارلامالار جانە باسقارۋشىلىق قۇزىرەتتەردى باعالاۋ شارالارى ۇيىمداستىرىلۋدا. اتالعان شارالار ءبىلىم بەرۋ جۇيەسىنىڭ تۇراقتىلىعىن قامتاماسىز ەتۋگە, ءتيىمدى باسقارۋشى كورپۋس قالىپتاستىرۋعا جانە پاۆلودار وبلىسىنداعى وقۋ ۇدەرىسىنىڭ ساپاسىن ارتتىرۋعا باعىتتالعان,-دەپ قوستى باسقارمادان.
پاۆلودار وبلىسى
