فوتو: ۇكىمەت
ايدار ابىلدابەكوۆ 1970 جىلى دۇنيەگە كەلگەن. اكادەميك ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىن, اكادەميك ا.قۋاتبەكوۆ اتىنداعى حالىقتار دوستىعى ۋنيۆەرسيتەتىن بىتىرگەن.
ەڭبەك جولىن 1996 جىلى باستاعان. ءار جىلدارى كوممەرتسيالىق قۇرىلىمداردا جۇمىس ىستەدى, ساۋدا سالاسىندا كاسىپكەرلىك قىزمەتپەن اينالىسقان.
1998–2009 جىلدارى قر كەدەن ورگاندارىندا ينسپەكتور, اعا ينسپەكتور, باس ينسپەكتور, كەدەن بەكەتى باستىعىنىڭ ورىنباسارى, ءبولىم باستىعى بولىپ قىزمەت اتقارعان.
2010–2022 جىلدارى قر ستاتيستيكا اگەنتتىگى قىزمەت ستاتيستيكاسى باسقارماسىنىڭ باستىعى, الماتى قالاسى بويىنشا ستاتيستيكا دەپارتامەنتى باستىعىنىڭ ورىنباسارى, وڭتۇستىك قازاقستان جانە تۇركىستان وبلىسى, الماتى قالاسى بويىنشا ستاتيستيكا دەپارتامەنتتەرىن باسقاردى.
2022-2023 جىلدارى — قر ساۋدا جانە ينتەگراتسيا مينيسترلىگى ساۋدا كوميتەتى توراعاسىنىڭ ورىنباسارى.
2023 جىلعى شىلدەدەن باستاپ قازىرگى ۋاقىتقا دەيىن قر ساۋدا جانە ينتەگراتسيا مينيسترلىگى ساۋدا كوميتەتىنىڭ توراعاسى قىزمەتىن اتقارعان.
