فوتو: اشىق دەرەككوزدەن
كوميسسيا قۇرامىندا قر پارلامەنتىنىڭ دەپۋتاتتارى, مەملەكەتتىك ورگاندار, بiلiم سالاسى كاسiپوداقتارىنىڭ, «اتامەكەن» ۇلتتىق كاسiپكەرلەر پالاتاسىنىڭ, جوعارعى وقۋ ورىندارى قاۋىمداستىعىنىڭ, قوعامدىق ۇيىمداردىڭ وكىلدەرى بار. ولار ۇمىتكەرلەردىڭ وتىنىشتەرىن قاراستىرادى. ارى قاراي تالاپكەرلەردىڭ ۇبت-دا جيناعان بالدارىنا جانە بەكىتىلگەن ەرەجەلەرگە سايكەس كونكۋرستىق نەگىزدە ءبىلىم بەرۋ گرانتتارى تاعايىندايدى.
ءبىلىم بەرۋ گرانتتارىن تاعايىنداۋ كونكۋرسىنا قاتىسۋعا 113 مىڭعا جۋىق ءوتىنىم بەرىلگەن. تالاپكەرلەردىڭ باسىم بولىگىنىڭ تاڭداۋى «پەداگوگيكالىق عىلىمدار», «ينجەنەرلىك, وڭدەۋ جانە قۇرىلىس سالالارى» جانە «اقپاراتتىق-كوممۋنيكاتسيالىق تەحنولوگيالار» باعىتتارىنداعى ماماندىقتارعا تۇسكەن. قابىلداۋ ناۋقانىنىڭ ناتيجەسىنە سايكەس بولاشاق اۋدارماشىلار, مۇعالىمدەر, پسيحولوگتار, ديزاينەرلەر جانە زاڭگەرلەر اراسىندا ءبىر گرانتتىق ورىنعا ەڭ ۇلكەن كونكۋرس بولىپ وتىر.
كونكۋرستىق ىرiكتەۋدiڭ قورىتىندىسى عىلىم جانە جوعارى ءبىلىم مينيسترلىگىنىڭ, سونداي-اق ۇلتتىق تەستىلەۋ ورتالىعىنىڭ رەسمي سايتىندا جانە الەۋمەتتىك جەلىلەرىندە جاريالانادى. ال جوعارى وقۋ ورىندارىنا قۇجاتتاردى قابىلداۋ 25 تامىزدا اياقتالادى.
