فوتو: اشىق دەرەككوز
بۇدان باسقا, استانا قالاسىندا «شتادلەر قازاقستان» جشس زاۋىتىندا 2025 جىلدىڭ ءساۋىر ايىنان باستاپ تەمىرجول كولىگىن جاڭعىرتۋ باعدارلاماسى اياسىندا «جولاۋشىلار تاسىمالى» اق ءۇشىن جولاۋشىلار ۆاگوندارىنىڭ سەريالىق ءوندىرىسى باستالدى. جوبا 2030 جىلعا دەيىن 557 ۆاگون, ونىڭ ىشىندە كۋپە, پلاتسكارت, مۇمكىندىگى شەكتەۋلى ادامدارعا ارنالعان مامانداندىرىلعان ۆاگوندار مەن گەنەراتور-ۆاگوندار شىعارۋدى كوزدەيتىن كەلىسىمشارت بويىنشا ىسكە اسىرىلادى. كەلىسىمشارت تالاپتارىنا سايكەس, 51 ۆاگوننىڭ ءبىرىنشى پارتياسى بيىلعى جىلى «جولاۋشىلار تاسىمالى» اق-نا بەرىلەدى.
سونداي-اق, ەلدە پلاتفورما ۆاگوندارىن, حوپپەر ۆاگوندارىن جانە جولاۋشىلار ۆاگوندارىن شىعارۋعا ماماندانعان «زيكستو» كاسىپورنى جۇمىس ىستەيدى. 2022 جىلدان باستاپ كاسىپورىن 318 ۆاگون جەتكىزدى. سونداي-اق, 2026 جىلعا جەتكىزۋمەن «زيكستو» جشس-نەن 100 جولاۋشىلار ۆاگونىن ساتىپ الۋعا كەلىسىمشارت جاساسۋ بويىنشا جۇمىس جۇرگىزىلىپ جاتىر. جولاۋشىلار ۆاگوندارى مەن پلاتفورما ۆاگوندارىن وندىرۋگە ارنالعان تسەح سالۋ بويىنشا جاڭا ينۆەستيتسيالىق جوبا ىسكە اسىرىلىپ وتىر. جىلىنا 3 مىڭ ۆاگونعا دەيىن شىعارۋ كولەمىن ۇلعايتۋ جوسپارلانعان.
سونداي-اق, 2023 جىلى اقتوبە رەلس-ارقالىق زاۋىتىنان العاش رەت «قازاقستان تەمىر جولى» ۇك» اق مەكەنجايىنا وتاندىق وندىرىستەگى ۇزىن ولشەمدى جىلجىمالى قۇرامعا 120 مەترلىك رەلس جونەلتىلە باستاعانىن اتاپ وتكەن ءجون.
