كوللاجدى جاساعان قونىسباي شەجىمباي, «EQ»
ولاردىڭ جاۋاپكەرشىلىگى, دالدىگى جانە ادالدىعى ەل ىشىندەگى جانە ونىڭ شەكارالارىنان تىس جۇكتەر مەن جولاۋشىلاردىڭ ۇزدىكسىز قوزعالىسىن قامتاماسىز ەتەدى.
قازاقستاننىڭ ترانزيتتىك الەۋەتى مەن اۋقىمدى ينفراقۇرىلىمدىق جوبالاردىڭ ءوسۋى جاعدايىندا ادامي كاپيتالدىڭ ءرولى ءبىرىنشى ورىنعا شىعادى. ادامدار, ولاردىڭ ءبىلىمى, تاجىريبەسى مەن باستاماسى بولماسا, تەحنولوگيالىق سەرپىلىستەر دە, كۇردەلى لوگيستيكالىق تىزبەكتەردى ءتيىمدى باسقارۋ دا مۇمكىن ەمەس.
مەملەكەت كادرلاردى دايارلاۋعا, بىلىكتىلىگىن ارتتىرۋعا جانە كولىك سالاسىندا لايىقتى ەڭبەك جاعدايلارىن جاساۋعا ەرەكشە ءمان بەرەدى. ادامعا ينۆەستيتسيا – بۇل جالپى سالانىڭ تۇراقتىلىعى مەن باسەكەگە قابىلەتتىلىگىنە ينۆەستيتسيا.
جىل سايىن تامىز ايىنىڭ ءبىرىنشى جەكسەنبىسىندە قازاقستاندا كولىك قىزمەتكەرلەرى كۇنى اتاپ وتىلەدى. ول رەسمي مارتەبەگە يە جانە 1998 جىلى رەسپۋبليكا پرەزيدەنتىنىڭ جارلىعىمەن بەكىتىلگەن قازاقستان رەسپۋبليكاسىنىڭ كاسىبي مەرەكەلەرىنىڭ تىزبەسىنە كىرەدى.
كولىك جۇيەسى تەك ينفراقۇرىلىم عانا ەمەس, ەكونوميكانىڭ تۇراقتى دامۋىنىڭ نەگىزى بولىپ تابىلادى. كولىك مينيسترلىگىنىڭ 2025 جىلعى قاڭتارداعى دەرەكتەرىنە سايكەس, 9,7 ملن جۇمىسپەن قامتىلعان حالىقتىڭ ىشىندە 772 مىڭ ادام كولىك سەكتورىندا ەڭبەك ەتەدى, ونىڭ باسىم بولىگىن تەمىرجول جانە اۆتوموبيل كولىگى, لوگيستيكا جانە قويمالاۋ قىزمەتكەرلەرى الادى. سالا وكىلدەرىنىڭ ۇيلەسىمدى جۇمىسىنىڭ ارقاسىندا كولىك ينفراقۇرىلىمى بەلسەندى تۇردە جاڭعىرتىلىپ, جاڭارتىلۋدا, تاسىمالداۋ كولەمى وسۋدە, مۋلتيمودالدى تاسىمالدار ىسكە اسىرىلۋدا.
بىرەگەي گەوگرافيالىق ورنالاسۋ ءبىزدىڭ ەلىمىزدى شىعىس پەن باتىس اراسىنداعى تابيعي كوپىرگە اينالدىرادى. ترانزيتتىك الەۋەتتى دامىتۋ – ەكونوميكالىق دەربەستىك پەن باسەكەگە قابىلەتتىلىكتى كۇشەيتۋدىڭ كىلتى.
ۇكىمەت كولىك ينفراقۇرىلىمىن جاڭعىرتۋ, لوگيستيكالىق ورتالىقتاردى دامىتۋ, تسيفرلاندىرۋ جانە تاسىمالداۋ قاۋىپسىزدىگىن ارتتىرۋ ساياساتىن دايەكتى تۇردە ىسكە اسىرۋدا. بۇل شارالار ەلدىڭ ستراتەگيالىق مۇددەلەرىنە قىزمەت ەتەدى جانە بولاشاق ءوسۋدىڭ بەرىك نەگىزىن قۇرايدى.
