جامبىل وبلىستىق پروكۋراتۋراسىنىڭ ءباسپاسوز قىزمەتى كەلتىرگەن دەرەككە جۇگىنسەك, اتالعان ازاماتتار ەل اۋماعىندا تىيىم سالىنعان ءدىني ماتەريال مەن ۋاعىز-ناسيحاتتى الەۋمەتتىك جەلىلەردە جاريالاپ وتىرعان. كۇدىكتىلەردىڭ ءۇي-جايلارىن ءتىنتۋ بارىسىندا ەل اۋماعىندا ءدىني الاۋىزدىقتى قوزدىرۋشى رەتىندە تاراتۋعا تىيىم سالىنعان ماتەريالدار تاركىلەنگەن.
تاياۋدا اۋداندىق سوت اتالعان ازاماتتاردى قك-ءنىڭ 174 بابى 1 بولىگىمەن كوزدەلگەن قىلمىستىق قۇقىق بۇزۋشىلىق جاساعانى ءۇشىن كىنالى دەپ تاۋىپ, ارقايسىسىنا 2 جىل مەرزىمگە باس بوستاندىعىنان ايىرۋ جازاسىن تاعايىندادى.
