اتالعان باستاما قوعامدىق ينفراقۇرىلىمدى جاقسارتۋعا, كوشە جارىعىن ورناتۋعا جانە ەلدى مەكەندەردىڭ كوركى مەن سانيتارلىق جاعدايىن ارتتىرۋعا باعىتتالعان. سونىڭ ىشىندە ارىق جۇيەلەرىن سالۋ جۇمىستارى دا قارقىندى جۇرگىزىلۋدە.
ماسەلەن, اقسۋ اۋدانى قاپال اۋىلىندا 2 شاقىرىم, ەسكەلدى اۋدانى اقىن سارا اۋىلىندا 5,5 شاقىرىم, كەربۇلاق اۋدانى تالدىبۇلاق اۋىلىندا 2,6 شاقىرىم, ال تالدىقورعان قالاسىندا 7,4 شاقىرىم ارىق جەلىسى سالىنادى.
بۇل يگى ءىستى جەرگىلىكتى تۇرعىندار دا وڭ قابىلداۋدا. ەسكەلدى اۋدانى, اقىن سارا اۋىلىنىڭ تۇرعىنى نۇرتىلەۋ يبراگيموۆ اتقارىلىپ جاتقان جۇمىستارعا ريزاشىلىعىن ءبىلدىردى:
— مەن وسى اۋىلدا تۇرىپ كەلە جاتقانىما ەلۋ جىلدان استى. كەڭەس زامانىندا كەيبىر كوشەلەردە ارىق بولعانىمەن, كەيىن ىستەن شىققان ەدى. قازىر كوشەلەر اباتتاندىرىلىپ, حالىقتىڭ يگىلىگىنە جارايتىن ارىقتار سالىنىپ جاتقانىنا قۋانىشتىمىز, – دەيدى اۋىل اقساقالى.
ەكولوگيالىق ماڭىزى زور بۇل جوبا اۋىل ءومىرىنىڭ ساپاسىن ارتتىرۋعا وڭ اسەرىن تيگىزەتىنى ءسوزسىز.
