قۇقىق قورعاۋ ورگاندارى قوعامدىق ورىنداردا ادامنىڭ ءتۇر-سيپاتىن انىقتاۋعا كەدەرگى كەلتىرەتىن كيىم ەلەمەنتتەرىن كيۋگە تىيىم سالۋ جونىندەگى زاڭناماعا ەنگىزىلگەن وزگەرىستەر بويىنشا حالىق اراسىندا ءتۇسىندىرۋ جۇمىستارىن جۇرگىزىپ جاتىر. اتالعان تىيىم قازاقستان رەسپۋبليكاسىنىڭ "قۇقىق بۇزۋشىلىقتىڭ الدىن الۋ تۋرالى" زاڭىنا ەنگىزىلگەن وزگەرىستەر ارقىلى زاڭمەن بەكىتىلدى. بۇل نورما قوعامدىق قاۋىپسىزدىكتى قامتاماسىز ەتۋ شارالارىن كۇشەيتۋگە باعىتتالعان.
سونىڭ ىشىندە ادامنىڭ تۇلعاسىن سايكەستەندىرۋ – قۇقىق بۇزۋشىلىقتىڭ الدىن الۋدا دا, قىلمىستى اشۋدا دا اسا ماڭىزدى پروتسەسس. پوليتسيا قىزمەتكەرلەرى تۇرعىندارعا بۇل تىيىم تەك بەتتى تولىقتاي جاۋىپ تۇراتىن كيىمدەرگە عانا قاتىستى ەكەنىن تۇسىندىرۋدە.
ال ءجۇزدى جاپپايتىن ءدىني كيىمدەر بۇل تىيىم اياسىندا قاراستىرىلمايدى. سونىمەن قاتار بۇل شەكتەۋ اۋا رايىنىڭ ەرەكشەلىكتەرىنە, مەديتسينالىق كورسەتكىشتەرگە بايلانىستى جانە زاڭ تالاپتارىنا سايكەس قىزمەتتىك, ەڭبەك مىندەتتەرىن ورىنداۋ ءۇشىن, ازاماتتىق قورعاۋ ماقساتىندا, سونداي-اق سپورتتىق نەمەسە مادەني-كوپشىلىك ءىس-شارالارعا قاتىسۋ بارىسىندا بەت جابۋعا ءماجبۇر بولعان جاعدايلارعا قولدانىلمايدى.
پوليتسيا قىزمەتكەرلەرى قابىلدانىپ جاتقان شارالار ازاماتتاردىڭ قۇقىعى مەن بوستاندىعىن, ونىڭ ىشىندە ءدىني سەنىم بوستاندىعىن شەكتەۋگە ەمەس, تەك قانا قوعامدىق ءتارتىپ پەن قاۋىپسىزدىكتى نىعايتۋعا باعىتتالعانىن ەرەكشە اتاپ وتەدى.
