سۋرەت: tolqyn.kz
ۇكىمەت تۇركىستان وبلىسىندا سۋمەن جابدىقتاۋ جەلىلەرىن سالۋعا جانە جاڭعىرتۋعا ارناۋلى مەملەكەتتىك قوردان 20 ملرد-تان استام تەڭگە ءبولدى.
قازىر وڭىردە قۇنى 5 ملرد تەڭگە بولاتىن شاردارا توپتىق سۋ قۇبىرىن سالۋ جۇمىستارى ءجۇرىپ جاتىر. قور قاراجاتىنان جىبەك جولى, شەڭگەلدى, اق ءۇي, قاراتوبە, جۋانتوبە, ءجاڭاداۋىر, ەسىكقورعان, قۇيعان, اقسۋ اۋىلدارىنداعى سۋمەن جابدىقتاۋ جوبالارىنا 4,2 ملرد تەڭگە ءبولىندى.
اۋىلدىق ەلدى مەكەندەردى اۋىزسۋمەن قامتاماسىز ەتۋ جۇمىستارى سارىاعاش, قازىعۇرت, كەلەس, ورداباسى مەن وتىرار اۋداندارىندا دا جۇرگىزىلىپ وتىر.
ايتا كەتەيىك, بۇعان دەيىن سارىاعاش اۋدانىنداعى ماگيسترالدى سۋ قۇبىرىن جاڭارتۋ جۇمىستارىن اياقتاۋ ءۇشىن ارناۋلى مەملەكەتتىك قوردان 2,5 ملرد تەڭگەدەن استام قاراجات بولىنگەنى حابارلانعان ەدى. بۇل جوبا 260 مىڭنان استام حالقى بار 66 اۋىلدى ورتالىقتاندىرىلعان سۋمەن جابدىقتاۋ جۇيەسىنە قوسۋعا مۇمكىندىك بەرەدى.
