فوتو: مادەنيەت جانە اقپارات مينيسترلىگى
ەتنوسارالىق قاتىناستار سالاسىنداعى مەملەكەتتىك ساياساتتى ىسكە اسىرۋ شەڭبەرىندە جىل باسىنان بەرى وڭىرلەردە اقپاراتتىق-ءتۇسىندىرۋ توپتارى بەلسەندى جۇمىس ىستەپ جاتىر. ولاردىڭ قاتىسۋىمەن ازاماتتاردىڭ قۇقىقتىق جانە ەتنوساياسي ساۋاتتىلىعىن ارتتىرۋعا باعىتتالعان 2000-نان استام وقىتۋ جانە الدىن الۋ ءىس-شاراسى وتكىزىلگەن.
ەتنومەدياتسيا ينستيتۋتىن دامىتۋعا ەرەكشە كوڭىل ءبولىنىپ جاتىر. ەلىمىزدە كاسىبي مەدياتورلار, زاڭگەرلەر, پەداگوگتار, پسيحولوگتار, ءدىنتانۋشىلار, جۋرناليستەر جانە قوعام بەلسەندىلەرى كىرەتىن 20-دان استام ورتالىقتار مەن كەڭەستەر جۇمىس ىستەيدى. 2025 جىلدىڭ العاشقى جارتىسىندا ولار 500-گە جۋىق ءىس-شارا وتكىزىپ, وعان 22 مىڭنان استام ادام قاتىسقان.
بيىلدان باستاپ ەلدەگى 14 جوعارى وقۋ ورنىندا جۋرناليستيكا ماماندىعى بويىنشا وقيتىن ستۋدەنتتەرگە ارنالعان «ەتنوساياسي ساۋاتتىلىق» اتتى جاڭا ءپان ەنگىزىلدى. بۇل جۋرناليستەردىڭ مەديا كەڭىستىكتە ەتنوستىق تاقىرىپتارعا جاۋاپكەرشىلىكپەن قاراۋعا, تۇراقتى مادەنيەتتى قالىپتاستىرۋعا سەپتەسەدى.
ەتنوسارالىق قاقتىعىستاردىڭ الدىن الۋ بويىنشا قازاقستان حالقى اسسامبلەياسى جانىنداعى انالار كەڭەسى بەلسەندى ءرول اتقارىپ جاتىر. بۇگىندە 1700-دەن استام وسىنداي ۇيىم جۇمىس ىستەيدى. ولار ادامگەرشىلىك قۇندىلىقتاردى ناسيحاتتاۋعا جانە وتباسىلىق تاربيەنى نىعايتۋعا باعىتتالعان جوبالاردى جۇزەگە اسىرىپ كەلەدى. سونىمەن قاتار, جارتى جىل ىشىندە 300-دەن استام ماسەلەنى قاراستىرىپ, 200-دەن استام ۇسىنىس جاساعان اقساقالدار كەڭەسى دە ءتيىمدى جۇمىس جاساپ جاتىر.
«جومارت جان» ورتالىقتارىندا 340-تان استام مەتسەنات, ۆولونتەر مەن قوعام قايراتكەرى بىرىگىپ, قايىرىمدىلىق باعىت بويىنشا جۇمىس جاساپ كەلەدى. ولار جىل باسىنان بەرى 500-دەن استام ءىس-شارا ۇيىمداستىرىپ, جالپى سوماسى 304 ميلليون تەڭگەدەن استام كومەك كورسەتكەن.
ازاماتتىق جاۋاپكەرشىلىك مادەنيەتىن قالىپتاستىرۋعا ەكولوگيالىق اكتسيالارعا قاتىسۋشىلار دا ايتارلىقتاي ۇلەس قوسىپ ءجۇر. «تازا قازاقستان» جالپىۇلتتىق باستاماسى اياسىندا 300 مىڭنان استام ەتنومادەني بىرلەستىك وكىلدەرى, جاستار مەن ۆولونتەرلەر قاتىسقان ءتۇرلى ءىس-شارالار ۇيىمداستىرىلعان.
