فوتو: سۋ رەسۋرستارى جانە يرريگاتسيا مينيسترلىگى
بيىل جوڭىشقانى ءبىر رەت ورىپ ۇلگەرگەن شارۋالار قازىرگى ۋاقىتتا ەكىنشى رەت سۋارىپ جاتىر. ءوڭىر ديقاندارى كاسىپورىن ماماندارىنا ۆەگەتاتسيا كەزەڭى باستالعالى سۋدى ۋاقىتىلى جەتكىزىپ وتىرعانى ءۇشىن العىس ءبىلدىردى.
«جوڭىشقا ءوسىرىپ جۇرگەنىمە 5-6 جىل بولدى, جاقسى ءونىم الىپ, مال ۇستاپ وتىرمىن. سۋ تۇراقتى تۇردە كەلىپ تۇرادى, «قازسۋشار» ءوز جۇمىسىن جاقسى اتقارىپ جاتىر», دەيدى شارۋا ومىربەك راقىشەۆ.
«50 گەكتار جەرگە جوڭىشقا وسىرەمىن, جالپى ءونىم جامان ەمەس. سۋدى قارعىبا وزەنىنەن الامىز. سۋ رەسۋرستارى مينيسترلىگى تەحنيكامەن جۇمىستار جۇرگىزىپ, قازىر سۋ جاقسى بەرىلىپ جاتىر», دەدى شارۋا ادىلبەك امانتاي ۇلى.
سالا مينيسترلىگىنىڭ مالىمەتىنشە فيليال سۋ بەرەتىن سۋارمالى جەرلەردىڭ جالپى كولەمى – 70,2 مىڭ گەكتاردى قۇرايدى. وڭىردە نەگىزىنەن ءداندى داقىلدار, كوپجىلدىق شوپتەر, كوكونىستەر, كۇنباعىس, كارتوپ, سويا, جۇگەرى باقشا داقىلدارى وسىرىلەدى.
