قوستاناي. 7 مامىر. قوستاناي وبلىسىندا جەڭىس مەرەكەسىن بيىل قارسى الاتىن سوعىس ارداگەرلەرى ءۇش جۇزدەن ءسال عانا اسادى. مەرەكە قارساڭىندا وبلىس اكىمى نۇرالى سادۋاقاسوۆ وبلىستاعى بىرقاتار سوعىس جانە تىل ارداگەرلەرىنە مەملەكەتتىك ناگرادالار تاپسىردى. بۇل تۋرالى egemen.kz ءتىلشىسى حابارلادى.
وبلىس اكىمى نۇرالى سادۋاقاسوۆ سوعىس ارداگەرلەرى مولداعالي جۇنىسبەكوۆتىڭ, نيكولاي ليۋليۋكتىڭ, تىل ارداگەرى ماعاۋيا ءجۇنىسوۆتىڭ كەۋدەسىنە «قۇرمەت» وردەنىن تاقتى. سوعىس ارداگەرلەرى الەكساندرا ەفانوۆا, ياكوۆ قاراتاەۆ, مۇعادار سەركەباەۆ «ەرەن ەڭبەگى ءۇشىن» مەدالىمەن, سوعىس ارداگەرلەرى سايىن يمانباەۆ, الەكسەي كومليك, سەمەن ياكوۆلەۆ قازاقستان رەسپۋبليكاسىنىڭ قۇرمەت گراموتاسىمەن ماراپاتتالدى. بىرقاتار سوعىس جانە تىل ارداگەرلەرى «1941-1945 جىلدارعى ۇلى وتان سوعىسىنداعى جەڭىسكە 70 جىل» مەرەكەلىك مەدالىنە يە بولدى.
وبلىس اكىمى نۇرالى سادۋاقاسوۆ: « ۇلى وتان سوعىسىندا وت پەن وققا كەۋدەسىن توسقان اتالارىمىز ەرلىگىنىڭ ارقاسىندا بۇگىنگى ۇرپاقتارى وسىنداي بەيبىت كۇنگە جەتىپ وتىر. تىلداعى ەڭبەك تە اۋىر بولدى, انالارىمىز جانكەشتى ەڭبەگىمەن ەر ازاماتتاردى جوقتاتپاي, شارۋاشىلىقتاردى جۇرگىزدى, مايدانعا كومەك بەردى, بالالاردى اسىرادى. بۇگىنگى ۇرپاق مۇنداي ەرلىكتى ماڭگى ۇمىتپاۋى ءتيىس. جەڭىستىڭ 75 جىلدىعىن دا قارسى الىڭىزدار», دەدى.
ءنازيرا جارىمبەتوۆا.
دەرەك, سۋرەت: egemen.kz
