فوتو: ۆيدەودان الىنعان كادر
وقيعا 22 ءساۋىر كۇنى تۇرعىن ۇيلەردىڭ جانىنداعى قۇرىلىس الاڭىندا تىركەلگەن. تۇرعىنداردىڭ ايتۋىنشا, كوپقاباتتى ۇيلەر سالىنىپ جاتقان اۋماقتىڭ جانىنان ترانسفورماتورلىق قوسالقى ستانسادان تارتىلعان جوعارى كەرنەۋلى ەلەكتر جەلىسى قورشاۋ بويىمەن جۇرگىزىلگەن.
كۋاگەرلەردىڭ سوزىنە قاراعاندا, بالالاردىڭ ءبىرى قۇرىلىس اۋماعىنا تۇسكەن دوپتى الۋ ءۇشىن قورشاۋدان اسۋعا ارەكەت جاساعان. سول ساتتە ونى توق سوققان. وعان كومەكتەسپەك بولعان تاعى ەكى بالا دا زارداپ شەككەن.
قاراعاندىدا شاتىردان كىرپىش قۇلاپ, 3 جاستاعى بالا زارداپ شەكتى
قاراعاندى وبلىستىق دەنساۋلىق ساقتاۋ باسقارماسىنىڭ مالىمەتىنشە, بالالار اۋرۋحاناعا جەتكىزىلگەن كەزدە جاعدايى ورتاشا اۋىر دەپ باعالانعان. ولار باستاپقىدا جانساقتاۋ بولىمىنە جاتقىزىلىپ, ءتيىستى ەم العان. قازىرگى تاڭدا ءۇش بالا ءپروفيلدى بولىمگە اۋىستىرىلىپ, دارىگەرلەردىڭ باقىلاۋىندا ەم قابىلداپ جاتىر.
جەرگىلىكتى تۇرعىندار بۇعان دەيىن دە قاۋىپتى ەلەكتر جەلىسىنە قاتىستى ءتيىستى ورگاندارعا بىرنەشە رەت شاعىمدانعانىن ايتادى. ولاردىڭ سوزىنشە, سوڭعى رەت فوتو جانە ۆيدەو دالەلدەرمەن 2 ناۋرىز كۇنى ءوتىنىش جولدانعان.
استانادا كوپقاباتتى ءۇيدىڭ تەرەزەسىنەن قۇلاعان بالا قازا تاپتى
قاراعاندى وبلىسىنىڭ پوليتسيا دەپارتامەنتى «سالعىرتتىق» بابى بويىنشا قىلمىستىق ءىس قوزعالعانىن حابارلادى. قازىرگى ۋاقىتتا وقيعانىڭ بارلىق ءمان-جايىن انىقتاۋ ءۇشىن تەرگەۋ امالدارى جۇرگىزىلىپ جاتىر.
