قوستاناي. 7 مامىر. قوستاناي وبلىستىق ىشكى ىستەر دەپارتامەنتىندە ۇلى وتان سوعىسىنىڭ ارداگەرى, گەنەرال-مايور سامات باكىروۆ اتىنداعى ەسكەرتكىش-تاقتا اشىلدى. بۇل تۋرالى egemen.kz ءتىلشىسى حابارلادى.
سامات باكىروۆ سوعىستان كەيىنگى جىلداردا بۇكىل سانالى عۇمىرىن قۇقىق ورگاندارىندا قىزمەت ىستەۋگە ارنادى. ول ىشكى ىستەر ورگاندارىندا تابان اۋدارماي 47 جىل قىزمەت ەتتى. 1974 جىلدان باستاپ 1990 جىلعا دەيىن قوستاناي وبلىستىق ىشكى ىستەر باسقارماسىنا جەتەكشىلىك ەتتى. س.باكىروۆ ەڭبەگى قوعامدىق ءتارتىپ ساقتاۋعا قىزمەت ەتۋدىڭ تاماشا ۇلگىسى بولدى.
سامات باكىروۆ قوستاناي وبلىستىق ىشكى ىستەر باسقارماسىنا جەتەكشىلىك ەتكەن جىلدارى ءتارتىپ ساقشىلارىنىڭ جۇمىس ىستەۋىنە بارلىق جاعدايدى جاسادى. 1993 جىلى س.باكىروۆتىڭ بۇيرىعىمەن قوستانايدىڭ ىرگەسىندە ىشكى ىستەر قىزمەتكەرلەرىنىڭ بالالارى ءۇشىن «دزەرجينەتس» ەمدەۋ-ساۋىقتىرۋ لاگەرى اشىلدى. بۇگىندە ول س.باكىروۆ ەسىمىمەن اتالادى.
وبلىستىق ىشكى ىستەر دەپارتامەنتىنىڭ مۇراجايىندا جەڭىستىڭ 70 جىلدىعى قارساڭىندا گەنەرال س.باكىروۆتىڭ كورمەسى جۇمىس ىستەي باستادى. كورمەدە سامات ىسماعۇل ۇلىنىڭ ءومىرى مەن قىزمەتى تۋرالى بارلىق مالىمەتتەردى تابۋعا بولادى.
س.باكىروۆ اتىنداعى قابىرعانىڭ اشىلۋىنا وبلىس اكىمى نۇرالى سادۋاقاسوۆ, وبلىستىق ارداگەرلەر كەڭەسىنىڭ توراعاسى كەنجەبەك ۋكين, وبلىستىق ءىىد باستىعى تىلەگەن ماتكەنوۆ جانە س.باكىروۆتىڭ ۇرپاقتارى, تۋعان-تۋىستارى قاتىستى.
وبلىس اكىمى نۇرالى سادۋاقاسوۆ: «سامات ىسماعۇل ۇلى ءتارتىپ ساقشىلارىنىڭ جۇمىسىن جاقسارتۋدا كوپ ەڭبەك سىڭىرگەن كىسى. وسى كىسىنىڭ ارقاسىندا قوستانايداعى ىشكى سىتەر باسقارماسىنىڭ جۇمىسى جاڭا ساتىعا كوتەرىلدى. ونىڭ باسقارۋ ءياسىلى تەمىردەي تارتىپپەن قاتار تاربيەلىك باي مازمۇنعا يە بولاتىن», دەدى.
ءنازيرا جارىمبەتوۆا.
دەرەك: egemen.kz
سۋرەت: kostanaytany.kz
