فوتو: وقۋ-اعارتۋ مينيسترلىگى
2025 جىلى 245 ءبىلىم وشاعىندا جاڭعىرتۋ جۇمىستارى باستالىپ كەتتى. ونىڭ ىشىندە 146 مەكتەپ اۋىلدىق جەرلەردە, 99-ى قالالىق ايماقتاردا ورنالاسقان.
جوسپار بويىنشا:
- 214 مەكتەپتە – كۇردەلى جوندەۋ جۇرگىزىلەدى;
- 19 مەكتەپتە – اعىمداعى جوندەۋ جۇمىستارى اتقارىلادى;
- 12 مەكتەپ – رەكونسترۋكتسيالانادى.
وقۋ-اعارتۋ مينيسترلىگىنىڭ حابارلاۋىنشا, جوبانىڭ جۇزەگە اسىرىلۋى 100 مىڭعا جۋىق وقۋشىنىڭ وقۋ جاعدايىن جاقسارتۋعا مۇمكىندىك بەرەدى.
سونىمەن قاتار جاڭعىرتۋ جۇمىستارى ءبىلىم بەرۋ سالاسىنىڭ زاماناۋي تالاپتارىنا ساي كەلەتىن توعىز باعىت بويىنشا جۇرگىزىلىپ جاتىر. وعان مەكتەپ عيماراتتارىن كۇردەلى جوندەۋ, ءپان كابينەتتەرىن جاڭا قۇرال-جابدىقتارمەن قامتاماسىز ەتۋ, جيھازداردى جاڭارتۋ, تالشىقتى-وپتيكالىق ينتەرنەت جەلىسىنە قوسۋ, سپورت زالدارى, كىتاپحانالار مەن اسحانالاردى قايتا جابدىقتاۋ, قاۋىپسىزدىك جۇيەلەرىن ورناتۋ جانە مەكتەپ اۋماعىن اباتتاندىرۋ كىرەدى.
ايتا كەتەيىك, اۋىل مەكتەپتەرىنە ەرەكشە نازار اۋدارىلعان. بۇل باستاما قالا مەن اۋىل اراسىنداعى ءبىلىم بەرۋ ساپاسىنداعى ايىرماشىلىقتى ازايتىپ, بارلىق وقۋشىلارعا تەڭ مۇمكىندىك جاساۋعا باعىتتالعان.
