ناتيجەسىندە, 9 اكىمشىلىك ءىس قوزعالىپ, زاڭ بۇزعاندارعا جالپى سوماسى 1,7 ملن تەڭگە كولەمىندە ايىپپۇل سالىندى. جالپى, جىل باسىنان بەرى ارال-سىرداريا باسسەيندىك ينسپەكتسياسى ارنايى سۋ پايدالانۋعا رۇقساتسىز سۋدى پايدالانعان 62 ادامدى انىقتادى. قۇقىق بۇزۋشىلارعا سالىنعان ايىپپۇلداردىڭ جالپى سوماسى 12,7 ملن تەڭگەدەن استى.
سونىمەن قاتار ينسپەكتسيا ماماندارى 73 ەلدى مەكەندە جاڭا سۋ كودەكسىنىڭ كۇشىنە ەنۋىنە قاتىستى ءتۇسىندىرۋ جۇمىستارىن جۇرگىزدى.
سۋدى جوسىقسىز پايدالانعان ءبىر فاكتىنى توبىل-تورعاي باسسەيندىك ينسپەكتسياسى انىقتادى. اتاپ ايتقاندا, نەگىزگى سۋ قۇبىرىندا اعىپ كەتۋ جانە سۋ ەسەپتەگىش قۇرىلعىسىنىڭ ىستەن شىققانى تىركەلدى. ناتيجەسىندە, سۋ پايدالانۋشىعا ايىپپۇل سالىنىپ, انىقتالعان بۇزۋشىلىقتاردى جويۋ تۋرالى نۇسقاما بەرىلدى.
«قازىرگى ۋاقىتتا بارلىق باسسەيندىك ينسپەكتسيا سۋ زاڭناماسىنىڭ بۇزىلۋىنا ۇنەمى مونيتورينگ جۇرگىزەدى. سونداي-اق سۋ پايدالانۋشىلارمەن جاڭا سۋ كودەكسى, سۋارمالى سۋدى پايدالانۋ ەرەجەلەرى, ارنايى سۋ پايدالانۋعا رۇقسات راسىمدەۋ جانە سۋ ۇنەمدەۋ تەحنولوگيالارىنا كوشۋ قاجەتتىلىگى ماسەلەلەرى بويىنشا ءتۇسىندىرۋ جۇمىستارى جۇرگىزىلىپ جاتىر», دەدى سۋ رەسۋرستارىن رەتتەۋ, قورعاۋ جانە پايدالانۋ كوميتەتى توراعاسىنىڭ ورىنباسارى تەمىرلان ابدىقۇلوۆ.
