ءمينيستردىڭ ايتۋىنشا, ءار ءبىلىم بەرۋ ۇيىمى ءبىلىم كۇنىنە ارنالعان سالتاناتتى جيىندى قاشان ءارى قالاي وتكىزەتىنىن ءوز بەتىنشە شەشەدى. مۇنداي شەشىم كونستيتۋتسيا كۇنىنە بايلانىستى قابىلدانعان. اتاپ ايتقاندا, 30 تامىز كونستيتۋتسيا كۇنى بيىل سەنبىگە سايكەس كەلەدى. وسىعان وراي, دەمالىس كۇنى 1 قىركۇيەك, دۇيسەنبىگە اۋىستىرىلادى. سايكەسىنشە, بۇل كۇن رەسمي دەمالىس بولىپ ەسەپتەلەدى.
ساباقتار 2 قىركۇيەكتە باستالادى. ال مەرەكەلىك جيىندار مەن وقۋشىلارعا ارنالعان العاشقى ساباق «ادالدىق ساعاتى», ء«بىلىم ساباعى» سىندى ءىس-شارالار مەكتەپتەردىڭ ىشكى جوسپارلارىنا قاراي نە 1 قىركۇيەكتە (دەمالىس كۇنىنە قاراماستان), نە 2 قىركۇيەككە اۋىستىرىلىپ وتكىزىلەدى.
«بيىلعى وقۋ جىلى ەرەكشە جاعدايدا باستالعالى تۇر. ءبىلىم كۇنى رەسمي دەمالىسقا سايكەس كەلگەندىكتەن, مەكتەپتەرگە مەرەكەلىك ءىس-شارالاردى وتكىزۋ تارتىبىنە بايلانىستى ەركىندىك بەرىلىپ وتىر. ءار مەكتەپ ءوز ءداستۇرى مەن مۇمكىندىگىن ەسكەرە وتىرىپ, سالتاناتتى جيىندى قاي كۇنى وتكىزەتىنىن ءوزى شەشەدى. بۇل – اتا-انالار مەن وقۋشىلاردىڭ ىڭعايىنا قاراي بەيىمدەلۋگە مۇمكىندىك بەرەدى», دەدى عاني بەيسەمباەۆ.
