ساڭلاقتارعا سەرپىن بەرگەن سپارتاكيادا

ەلباسى ن.ءا.نازارباەۆ ءوزىنىڭ ەل حالقىنا ارناعان جولداۋىندا “دەنى ساۋ ۇلت” ينفراقۇرىلىمدىق باعدارلاماسىن كوتەرە وتىرىپ, ونىڭ ومىرشەڭدىگىن العا تارتقان ەدى جانە “اتقارۋشى بيلىكتىڭ جاڭا ستاديوندار مەن سپورت كەشەندەرىن, بالالارعا ارنالعان جانە باسقا دا سپورت الاڭدارىن سالۋ مەن ەسكىلەرىن جاڭارتۋ ارقىلى بارلىق جاستاعى ادامداردىڭ سپورتپەن شۇعىلدانۋىنا, وزدەرىنىڭ بوي­لارىن سەرگەك ۇستاۋىنا, ءسويتىپ, ءومىر جاس­تارىن ۇزارتۋعا جاعداي جاساۋى قاجەت”, دەپ سپورت پەن دەنە شىنىقتىرۋ سالا­سىنا ەرەكشە ماڭىز بەرىپ اتاپ ءوت­كەندىگى بارشامىزعا ايان. وسى باعىتتى ىسكە اسىرۋدىڭ ءبىر كورىنىسى رەتىندە قارا­عاندى وبلىسى, نۇرا اۋدانىندا وتكەن “سارىارقا – 2010” جازعى ويىندارىن ايتۋعا بولادى. “سارىارقا – 2010” جازعى ويىندار سپار­تاكياداسى بيىل وزىندىك ەرەكشەلىك­تەرگە تولى بولدى. اتالمىش شارانى پارلامەنت سەناتىنىڭ دەپۋتاتى ورالباي ابدىكارىموۆ, ءماجىلىس دەپۋتاتى داۋىلباي قۇسايىنوۆ باستاعان ءوڭىر ازاماتتارى تاماشالاسا, اشىلۋ سالتا­ناتى توعىز اۋداننىڭ سپورتتاعى سايىپ­قىراندارى جەتكەن جەتىستىكتەرىن ايتۋ­مەن باستالىپ, اۋدان اكىمى س.شايداروۆ, وبلىس اكىمىنىڭ ورىنباسارى ت.راقىم­بەكوۆ, تۋريزم جانە سپورت مينيسترلىگى سپورت كوميتەتىنىڭ توراعاسى ەلسيار قا­ناعاتوۆ قۇتتىقتاۋ سوزدەرىن سپورت سۇيەر قاۋىمعا جولدادى. بۇدان سوڭ ار­نايى تىگىلگەن كوستيۋمدەرىن كيگەن 700-گە تارتا جاس­ ءبىر مەزەتتە ۇلتتىق ناقىشتا “قارا جورعا” ءبيىن بيلەپ, تەاترلان­دىرىلعان قويىلىم كورسەتسە, ونىڭ سوڭى مەرەكە­لىك وتشاشۋ­عا ۇلاستى. بۇل سىندا نۇرا اۋدانى 1-ورىندى يەلەندى. شىڭعىس مىرزاحمەت, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى.