دوڭگەلەك ۇستەلدە قازىرگى دراماتۋرگيانىڭ باعىتى, تەاتر مەن ادەبيەتتىڭ ءۇن قاتىسۋى تالقىلاندى. شاراعا جينالعان قالامگەرلەر مەن دراماتۋرگتەر تەاتر مەن ادەبيەت اراسىنداعى شىعارماشىلىق بايلانىستى كۇشەيتۋ, ساحناعا بەيىمدەلگەن درامالىق شىعارمالارعا جول اشۋ تۋرالى ويلارىن ورتاعا سالدى.
جاڭا قويىلىمدار مەن كلاسسيكالىق شىعارمالاردىڭ اراجىگى, قالام يەلەرىنىڭ رەجيسسەرلەرمەن بايلانىسقا ءتۇسۋى, ساحناعا شىعارۋعا تۇراتىن ەلەۋلى شىعارمالاردىڭ مولدىعى حاقىندا الۋان پىكىرلەر ءوربىدى. سونىمەن بىرگە بۇگىنگى جاس دراماتۋرگتەردىڭ ازدىعى, بولاشاقتا ادەبيەت پەن تەاتر بىرلەسىپ, قارىمدى جوبالاردى قولعا الۋعا ءتيىس ەكەنى تىلگە تيەك ەتىلدى.
سونداي-اق جاستار تەاترى جاڭا شىعارمالارعا «جاڭا تولقىن – جاڭا دراما» اتتى اشىق بايقاۋ جاريالاپ وتىر. بايقاۋ شارتى بويىنشا قاتىسۋشى ۇمىتكەرلەر شاعىن پەسا, ساحناعا لايىق پوەتيكالىق تسيكل, مونودراما, قىسقا پروزا, ساحنالىق نوۆەللا ۇسىنا الادى. تەاتردىڭ كوركەمدىك كەڭەسىنىڭ سۇزگىسىنەن ىرىكتەلىپ شىققان شىعارمالار ساحناعا جول تارتادى. ال شىعارماسى ۇزدىك شىققان اۆتورلار (رەپيتيتسيالىق ۇدەرىس, ساحنالىق زەرتحانا) شىعارماشىلىق شەبەرحاناعا قاتىسا الادى.
