جازدىڭ سوڭىندا ەلىمىزدىڭ وڭتۇستىگىندە قۇرعاقشىلىق قاۋپى جوعارى كۇيىندە قالماق. الدىن الا ەسەپتەۋلەرگە سايكەس, 2025 جىلدىڭ تامىزىندا مىنا وڭىرلەردە ورتاشا قۇرعاقشىلىق كۇتىلەدى:
- باتىس قازاقستان وبلىسى – جاڭاقالا جانە قاراتوبە اۋداندارىندا;
- اقتوبە وبلىسى – شالقار جانە ىرعىز اۋداندارىندا;
- قوستاناي وبلىسى – امانگەلدى جانە جانگەلدين اۋداندارىندا;
- قاراعاندى وبلىسى – اقتوعاي جانە شەت اۋداندارىندا;
- اباي وبلىسى – اياگوز جانە ءۇرجار اۋداندارىندا;
- الماتى وبلىسى – بالقاش, جامبىل جانە ەڭبەكشىقازاق اۋداندارىندا;
- جەتىسۋ وبلىسى – قاراتال, پانفيلوۆ, كەربۇلاق جانە الاكول اۋداندارىندا;
- قىزىلوردا وبلىسى – قازالى, قارماقشى, شيەلى اۋداندارى مەن قىزىلوردا قالاسىندا;
سونىمەن قاتار جامبىل, تۇركىستان جانە ۇلىتاۋ وبلىستارىنىڭ باسىم بولىگىندە.
ال ورتاشا ىلعالدى جاعدايلار مىنا ايماقتاردا بولجانىپ وتىر:
- پاۆلودار وبلىسى – اقتوعاي جانە جەلەزين اۋداندارىندا;
- سولتۇستىك قازاقستان وبلىسى – جامبىل جانە م. جۇماباەۆ اۋداندارىندا.
ەلدىڭ قالعان اۋماعىندا ىلعالدانۋ جاعدايى نورماعا جۋىق دەڭگەيدە بولادى دەپ كۇتىلەدى.
