قازىر سارىكول اۋدانىنداعى بارۆينوۆ اۋىلىنا سۋ قۇبىرى تارتىلىپ جاتىر. بۇل اۋىلدا قۇبىر اۋىستىرۋ جۇمىستارى بىلتىر باستالعان. بۇگىنگە دەيىن 28 شاقىرىمعا جۋىق سۋ جەلىسىنىڭ جارتىسىنان كوبى جاڭارتىلدى.
«بىلتىر ەكى رەزەرۆۋار سالىندى. بيىل سۋ سورعىش ستانتسياسىن ورناتىپ, ءار 150 مەتر سايىن ءورت ءسوندىرۋ گيدرانتتارى قويىلادى. وسىنىڭ ءبارىن قار تۇسكەنشە بىتىرسەك دەپ وتىرمىز», دەيدى مەردىگەر كومپانيانىڭ وكىلى ۆالەري حاليكوۆ.
اتالعان اۋداندا حالىقتى اۋىز سۋمەن قامتاماسىز ەتۋ بويىنشا ءۇش جىل مەرزىمگە ەكى جوبا جاسالعان. بۇگىندە بارۆينوۆتان بولەك, «نۇرلى جەر» باعدارلاماسى اياسىندا كومسومول اۋىلىنا ورتالىقتاندىرىلعان سۋ جەلىسى تارتىلىپ جاتىر. ەكى ەلدى مەكەندە شامامەن 3 مىڭعا جۋىق حالىق تۇرادى.
«بىزدە 23 اۋىل بار. حالىقتى ورتالىقتاندىرىلعان سۋمەن قامتاسىز ەتۋ جاعىن ايتار بولساق, 96,6% قۇرايدى. بۇل جەردە شاعىن 5 اۋىلىمىز بار. سول بەس اۋىلدا سۋ تاراتۋ جۇيەسى ورناتىلعان», دەيدى سارىكول اۋدانىنىڭ اكىمى مارات شىمىربەكوۆ.
وبلىس اكىمدىگىنىڭ مالىمەتىنشە, بۇگىنگى تاڭدا قوستاناي وڭىرىندەگى اۋىل تۇرعىندارىنىڭ 91% ساپالى اۋىزسۋ تۇتىنىپ وتىر. بارلىعىن تولىق قامتۋ ءۇشىن ارنايى مەملەكەتتىك قوردان قوسىمشا 9 ميلليارد تەڭگەدەن استام قارجى سۇراتىلىپ, ونەركاسىپ جانە قۇرىلىس مينيسترلىگىنە ءوتىنىم حات جىبەرىلگەن.
قوستاناي وبلىسى
