جۇلدە قورى 596 035 ەۋرونى قۇراعان جارىستى ەكىنشى كەزەڭنەن باستاعان بۋبليك باستاپقىدا ءوزىنىڭ وتانداسى الەكساندر شەۆچەنكونى شاڭ قاپتىردى – 6:2, 6:3. ودان كەيىن ارگەنتينالىق فرانسيسكو كومەنسانيانى قاپى قالدىردى – 6:4, 6:3. جارتىلاي فينالدا فرانتسيالىق ارتۋر كازودان باسىم ءتۇستى – 6:1, 7:5. فينالدا ارگەنتينانىڭ تاعى ءبىر وكىلى حۋان مانۋەل سەرۋندولومەن سايىسقا ءتۇستى. ول ءوز كەزەگىندە يان-لەونارد شترۋفف (گەرمانيا), داۆيد گوففەن (بەلگيا), كاسپەر رۋد (نورۆەگيا), يگناسيو بۋسەنى (پەرۋ) جولىنان ىعىستىردى.
فينالدىق تارتىس 2 ساعات 7 مينۋتقا سوزىلدى. 13 ەيسپەن بىرگە 14 برەيك-پوينتتىڭ تورتەۋىن ەنشىسىنە جازعان الەكساندر بۋبليك شەشۋشى ويىندا 6:4, 4:6, 6:3 ەسەبىمەن جەڭىس تويىن تويلادى. بۇل – ەلىمىزدىڭ ۇزدىك تەننيسشىسىنىڭ اتر تۋرنيرلەرىندەگى التىنشى جەڭىسى. بۇعان دەيىن مونپەلە (2 رەت), حاللە (2 رەت), انتۆەرپەندەگى (1 رەت) دودالاردا دارا شىقتى.
