ءمينيستردىڭ ايتۋىنشا, بۇل ءتىزىم Migration.enbek.kz پلاتفورماسىنىڭ قۇرامىنا ەنەدى. جوبا شەتەلدەگى مەكەمەلەر, «وتانداستار» قورى جانە دياسپورالارمەن بىرلەسىپ جۇزەگە اسىرىلادى.
مۇنداي جۇيە ەتنيكالىق قازاقتارمەن بايلانىستى كۇشەيتىپ, تاريحي وتانىنا كوشىپ كەلگىسى كەلەتىندەرگە قولداۋ كورسەتۋگە مۇمكىندىك بەرەدى. سونداي-اق بۇل باستاما كوشى-قون ساياساتىن رەفورمالاۋعا باعىتتالعان.
مينيسترلىك ەتنيكالىق رەپاترياتسيانى جەتىلدىرۋ اياسىندا قانداس مارتەبەسى مەن قولداۋ تەتىكتەرىن قايتا قاراۋعا كىرىسكەن. سونىمەن قاتار قانداستارعا ارنالعان جەكە «قانداس» تسيفرلى پلاتفورماسىن ىسكە قوسۋ كوزدەلىپ وتىر.
جاڭا جۇيە شەتەلدەن كەلگەن قازاقتاردى بەيىمدەۋگە كومەكتەسىپ, ولار ءۇشىن باسپانا, ءتىل ۇيرەنۋ كۋرستارى, جاڭا ماماندىق بەرۋ باعدارلامالارى, ينتەگراتسيانى باقىلاۋ شارالارى ىسكە قوسىلادى.
بۇل جۇمىستاردى ۇيلەستىرۋ ءۇشىن ارنايى كوشى-قوندى دامىتۋ ورتالىعى قۇرىلادى. ۆەدومستۆو دەرەگىنشە, بۇل قۇرىلىمعا قوسىمشا بيۋدجەت شىعىندارى قاراستىرىلمايدى.
1991 جىلدان بەرى قازاقستانعا 1,1 ميلليوننان استام ەتنيكالىق قازاق ورالدى. ال بيىل جازدا شەتەلدەن كەلگەن 150 قازاق بالاسى بۋرابايدا دەمالىپ, انا ءتىلىن مەن ءداستۇرىن ۇيرەنۋگە مۇمكىندىك الدى.
