كۋپس - «قايرات» ماتچى تىكەلەي ەفيردەن كورسەتىلەدى

«قايراتتىڭ» قارسىلاسى - فينليانديالىق كۋپس كومانداسى. كەزدەسۋ كۋوپيو قالاسىنداعى «ۆيارە ارەنا» الاڭىندا بولادى. 

ماڭىزدى ماتچ 20: 00-دە باستالادى. «قايرات» - كۋپس ويىنىن «Qazsport» تەلەارناسى تىكەلەي ەفيردەن كورسەتەدى. 

كۋپس كومانداسى تۋرالى نە بىلەمىز؟

1923 جىلى 16 ناۋرىزدا قۇرىلعان. عاسىردان استام تاريحىندا 7 رەت فينليانديا چەمپيونى اتانىپ, 5 رەت ەل كۋبوگىن جەڭىپ العان. «كۋپس» ەۋروكۋبوكتاردىڭ ىرىكتەۋ كەزەڭدەرىنىڭ تۇراقتى قاتىسۋشىسى. دەسە دە بۇعان دەيىن ۋەفا تۋرنيرلەرىنىڭ توپتىق كەزەڭىندە ونەر كورسەتپەگەن. 

قازاقستاندىق جانكۇيەرلەر «كۋپس» كومانداسىن 2021/2022 ماۋسىمىنداعى «استانامەن» كەزدەسۋ ارقىلى تانيدى. ۋەفا كونفەرەنتس-ليگاسىنىڭ ىرىكتەۋ كەزەڭىندە فينليانديا قۇراماسى استانادا وتكەن ءبىرىنشى ويىندا 0:1 ەسەبىمەن جەڭىلگەنىمەن, كەيىن ءوز الاڭىندا 4:3 ەسەبىمەن جەڭىسكە جەتكەن بولاتىن. وسىلايشاع كۋپس قازاقستاندىق كلۋبتى تۋرنير جولىنان شىعارىپ جىبەرگەن. بۇل قۇرامدا ءالى كۇنگە دەيىن Kۋپس-تە وينايتىن ەكى ويىنشى: قاقپاشى يوحاننەس كرەيدل جانە جارتىلاي قورعاۋشى ارتۋ حاينونەن بار. ەكەۋى دە قازاقستان قۇراماسىنا قارسى تاعى دا الاڭعا شىعۋى ابدەن مۇمكىن.