مارات ورىنباسار ۇلى بۇعان دەيىن الماتى قالاسىنداعى «كارديولوگيا جانە ىشكى اۋرۋلار عىلىمي-زەرتتەۋ ينستيتۋتى» اكتسيونەرلىك قوعامىنىڭ باسقارما توراعاسى قىزمەتىن 2 جىل 4 اي اتقارعان. وسى مەرزىمدە اتالعان عىلىمي-زەرتتەۋ ينستيتۋتىن زامان تالابىنا ساي جاڭارتىپ, تىڭ جەتىستىكتەرگە جەتەلەگەن ىسكەر باسشى. ال, وعان دەيىن پاشيموۆ الەمدى ابىگەرگە سالعان كوروناۆيرۋس ىندەتى بەلەڭ العان كەزدە تۇركىستان وبلىسىندا قوعامدىق دەنساۋلىق ساقتاۋ باسقارماسىنىڭ باسشىسى رەتىندە ۇيىمداستىرۋشىلىق قارىم-قابىلەتىنىڭ مىقتىلىعىن مويىنداتتى. ناتيجەسىندە وبلىس پاندەميا اياقتالعانعا دەيىن قىزىل ايماققا ەنبەگەن ەلىمىزدەگى جالعىز ءوڭىر بولدى.
قوعامدىق دەنساۋلىق باسقارماسىنىڭ باسشىسى بولعان 3 جىلدا كوروناۆيرۋسقا قارسى كۇرەس ماقساتىندا وبلىستىڭ مەديتسينا مەكەمەلەرى 368 دانا وكپەنى جاساندى جەلدەتۋ اپپاراتتارىمەن جابدىقتالدى. 890 وتتەگى كونتسەنتراتورلارمەن, 8 وتتەگى ستانتسياسىنمەن, 12 دانا كومپيۋتەرلىك توموگرافپەن, 12 جىلجىمالى مەديتسينالىق كەشەنمەن قامتاماسىز ەتىلدى. ال 2021 جىلى تۇركىستان قالاسىنداعى 200 توسەك-ورىنعا ارنالعان تەز قۇرىلاتىن مودۋلدىك جۇقپالى اۋرۋلار اۋرۋحاناسى سالىنىپ, پايدالانۋعا بەرىلدى. وبلىستا پتر زەرتحانالارىنىڭ سانى 3 بىرلىكتەن 13-كە جەتتى. جەدەل-جاردەم قىزمەتى 133 اۆتوكولىكپەن قامتاماسىز ەتىلدى. بۇل اۆتوكولىكتەر جەدەل-جاردەم قىزمەتى پاركىن 96 پايىزعا جاڭارتۋعا مۇمكىندىك بەردى. تۇركىستان وبلىسى كۆي اۋرۋشاڭدىعىنىڭ كورسەتكىشى بويىنشا كوپ كەزەڭىندە ەل بويىنشا جاسىل ايماقتا ورنالاستى.
انا مەن بالا دەنساۋلىعىن ساقتاۋ وبلىستا اكۋشەر-گينەكولوگتارمەن 93 پايىز, بوساندىرۋ ۇيىمدارى نەوناتولوگتارمەن – 88, انەستەزيولوگ-رەانيماتولوگتارمەن – 89, مەديتسينالىق-سانيتاريالىق العاشقى كومەك كورسەتۋ ۇيىمدارى جانە اۋرۋحانالار پەدياتر ماماندارىمەن 94 پايىز قامتاماسىز ەتىلدى. جوعارى تەحنولوگيالىق مەديتسينالىق كومەك جوعارى مامانداندىرىلعان كومەكتىڭ 18 ءتۇرى جۇرگىزىلدى. قۇرىلىس, ينفراقۇرىلىمدى دامىتۋ بويىنشا 2020-2021 جىلدارى تۇركىستان وڭىرىندە 15 دەنساۋلىق ساقتاۋ نىسانى سالىنسا, 2022 جىلى 31 دەنساۋلىق نىسانىنىڭ قۇرىلىسى جۇرگىزىلدى. وبلىستاعى مەديتسينا ۇيىمدارىن ماتەريالدىق-تەحنيكالىق جابدىقتاۋ ءۇشىن 2020-2022 جىلدارى جالپى سيپاتتاگى ترانسفەرتتەر ەسەبىنەن 1724 دانا مەديتسينالىق قۇرال-جابدىق ساتىپ الىندى. اتقارىلعان ءىس-شارالاردىڭ ناتيجەسىندە مەديتسينالىق تەحنيكامەن جابدىقتاۋ كورسەتكىشى 84,77 پايىزعا جەتتى.
وسىنداي جانە كوپتەگەن باسقا دا يگى ىستەرگە باسشىلىق ەتكەن مارات ورىنباسار ۇلى وڭتۇستىك قازاقستان مەملەكەتتىك مەديتسينا اكادەمياسىن «جالپى مەديتسينا» ماماندىعى بويىنشا, ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىن «جەرگىلىكتى ءوزىن-ءوزى باسقارۋدى ۇيىمداستىرۋ» ماماندىعى بويىنشا ۇزدىك بىتىرگەن. ەڭبەك جولىن 2003 جىلى وڭتۇستىك قازاقستان وبلىسى كارديولوگيا ورتالىعىندا مەيىرگەر بولىپ باستادى. ودان كەيىن وبلىستىق كلينيكالىق اۋرۋحانادا انەستەزيولوگ-رەانيماتولوگ, رەانيماتسيا بولىمشەسىنىڭ مەڭگەرۋشىسى بولىپ جالعاستىردى. 2008-2009 جىلدارى تەلەمەديتسينا ورتالىعىنىڭ مەڭگەرۋشىسى, 2009-2015 جىلدار ارالىعىندا وبلىستىق كلينيكالىق اۋرۋحاناسى باس دارىگەرىنىڭ ۇيىمداستىرۋ-ادىستەمەلىك جۇمىسى جانە توتەنشە جاعدايلار جونىندەگى ورىنباسارى, 2015-2017 جىلدارى شىمكەنت قالالىق №3 ەمحانانىڭ باس دارىگەرى, 2017-2020 جىلدارى ارالىعىندا تۇركىستان وبلىستىق كلينيكالىق اۋرۋحاناسىنىڭ باس دارىگەرى قىزمەتتەرىن اتقارعان. 2020-2023 جىلدارى تۇركىستان وبلىسى قوعامدىق دەنساۋلىق ساقتاۋ باسقارماسىنىڭ باسشىسى, 2023 جىلدىڭ ناۋرىزىنان بۇگىنگە دەيىن «كارديولوگيا جانە ىشكى اۋرۋلار عىلىمي-زەرتتەۋ ينستيتۋتى» اكتسيونەرلىك قوعامىنىڭ باسقارما توراعاسى بولىپ ەڭبەك ەتتى.
مارات پاشيموۆ – جوعارى بىلىكتىلىك ساناتتى دارىگەر, مەديتسينا عىلىمدارىنىڭ كانديداتى, قازاقستان رەسپۋبليكاسى دەنساۋلىق ساقتاۋ ءىسىنىڭ ۇزدىگى.
