جەرگىلىكتى اتقارۋشى بيلىك وكىلدەرىنىڭ ايتۋىنشا, جالپى قۇنى 8,6 ملرد تەڭگەنى قۇرايتىن 10 اۋىلداعى اۋىز سۋ جەلىلەرىنىڭ قۇرىلىسى اياقتالعان. ناقتىراق ايتساق, نوعايباي, وتار, قورداي, قاينار, ستەپنوە, قاراسۋ, ەڭبەك, سارىبۇلاق, سوعاندى جانە بايتەرەك اۋىلدارى ورتالىقتاندىرىلعان اۋىز سۋمەن تولىق قامتاماسىز ەتىلدى.
«قازىرگى كەزدە 4 ەلدى مەكەننىڭ ماسەلەسىن شەشۋگە كۇش سالىپ جاتىرمىز. شارباقتى, كۇنباتىس – 2 العا جانە گۆاردەيسك اۋىلدارىندا اۋىز سۋ قۇرىلىستارى قارقىندى جۇرگىزىلىپ جاتىر. سونىمەن قاتار, قاراساي باتىر, كەرۋ, كوكتوبە, ءسۇلۋتور, ۇلكەن ءسۇلۋتور, كەنەن, بەل, جاڭاتۇرمىس, كۇنباتىس – 1 اۋىلدارىن تىرشىلىك نارىمەن قامتۋ ماقساتىندا جوبالاۋشى مەكەمەلەرمەن كەلىسىمشارت جاسالدى», دەيدى قورداي اۋدانىنىڭ اكىمى بەگزات بولاتبەكوۆ.
جالپى العاندا وسى جىلى جامبىل وڭىرىندە 15,4 ملرد تەڭگەگە 36 اۋىلدى اۋىز سۋمەن قامتۋ جوسپارلانعان. اتالعان جۇمىس تولىققاندى جۇزەگە اسقاندا جامبىل وبلىسىنىڭ ەلدى مەكەندەرى 100 پايىز اۋىز سۋمەن قامتىلماق.
جامبىل وبلىسى.
