فوتو: اشىق دەرەككوز
ايەل بۇعان دەيىن مەملەكەتتىك قىزمەتشى رەتىندە تۇرعىن ءۇي الۋ كەزەگىنە تىركەلگەن. ۋاقىت وتە كەلە اتا-اناسىنان سولتۇستىك قازاقستان وبلىسى, ولشانكا اۋىلىنداعى جەكە تۇرعىن ءۇيدىڭ تورتتەن ءبىر بولىگى مۇراعا قالعان. اتالعان ۇلەستىڭ جالپى اۋدانى 20 شارشى مەتردەن ءسال اسسا, ونىڭ تەك 10,5 شارشى مەترى عانا – تۇرعىن الاڭى. 2023 جىلى ايەل بۇل ۇلەستى كورشىسىنە سىيعا بەرگەن.
2024 جىلى ول جەرگىلىكتى اتقارۋشى ورگانداردىڭ كەزەك ارقىلى نەسيەگە ءۇي بەرۋ باعدارلاماسى اياسىندا پەتروپاۆل قالاسىنان پاتەر الۋعا مۇمكىندىك العان. الايدا قالالىق تۇرعىن ءۇي-كوممۋنالدىق شارۋاشىلىق ءبولىمى ساتىپ الۋ-ساتۋ شارتىن جاساۋدان باس تارتتى. ءۋاج رەتىندە – ايەل بۇرىن يەلىك ەتكەن باسپانانىڭ ادام تۇرۋعا ابدەن جارامدى ەكەنىن العا تارتقان.
جوعارعى سوت بۇل ىسكە ارالاسىپ, ماسەلەنى قايتا قارادى. سوت ورگانىنىڭ مالىمەتىنشە, ايەل يەلىك ەتكەن ۇلەس «تۇرعىن ءۇي قاتىناستارى تۋرالى» زاڭىندا كورسەتىلگەن سانيتارلىق جانە گيگيەنالىق تالاپتارعا سايكەس كەلمەيتىن بولىپ شىقتى. اتالعان زاڭعا سايكەس, ءار ادامعا كەمىندە 15 شارشى مەتر تۇرعىن الاڭى تيەسىلى بولۋى ءتيىس. بۇعان قوسا, ايەلدىڭ بالالارى ۇل مەن قىز بولعاندىقتان, ولاردىڭ ارقايسىسىنىڭ جەكە كەڭىستىگى زاڭمەن قورعالۋى ءتيىس ەكەنىن دالەلدەدى.
«سوت تالاپكەردىڭ ءۋاجىن نەگىزدى دەپ تانىپ, تۇرعىن ءۇي باعدارلاماسىنا قاتىسۋشى رەتىندە تكش بولىمىمەن ساتىپ الۋ-ساتۋ شارتىن جاساسۋعا مىندەتتەدى. شەشىم زاڭدى كۇشىنە ەندى», دەپ حابارلادى جوعارعى سوت.
