اۋدان اكىمى ەرلان قىدىرالى ۇلىنىڭ ايتۋىنشا, اۋداننىڭ 13 اۋىلدىق وكرۋگىندەگى 31 ەلدى مەكەندە جالپى ۇزىندىعى 301,6 شاقىرىمدى قۇرايتىن 375 كوشە مەن بۇرىلىس بار.
«وسى جىلى اۋىلىشىلىك جولداردى جوندەۋ بويىنشا اۋداندا 15 جوبا ىسكە اسىرىلماق. بۇل جوبالار ارقىلى 14 كوشە مەن 5 بۇرىلىس, ياعني 15,2 شاقىرىم جول جوندەۋدەن وتەدى. ونىڭ 6 جوباسى اۋداندىق بيۋدجەت ەسەبىنەن جۇزەگە اسسا, 9 جوبا «اۋىل – ەل بەسىگى» باعدارلاماسى اياسىندا قولعا الىنعان», دەيدى ە. قىدىرالى ۇلى.
بيىل جامبىل وبلىسىندا جالپى اۆتوموبيل جولدارىن دامىتۋعا 28,6 ملرد. تەڭگە ءبولىنىپ, قۇرىلىس, قايتا جاڭعىرتۋ جانە جوندەۋ جۇمىستارىمەن 470,3 شاقىرىم جول قامتىلادى. قازىرگى كەزدە 45 جوبا بويىنشا جۇمىستار جۇرگىزىلۋدە.
جامبىل وبلىسى
