كۇدىكتىلەر ازاماتتاردىڭ سەنىمىنە كىرىپ, ولاردىڭ قاراجاتتارىن ءوز ماقساتتارىنا پايدالانۋ ءۇشىن ارنايى الاياقتىق سحەما ازىرلەگەن. قارجى پيراميداسىن ۇيىمداستىرۋشىلار «قازمۇنايگاز» ۇلتتىق كومپانياسىنىڭ اكتسيالارىن ساتىپ الۋ ارقىلى مول جانە جىلدام تابىس تابۋعا بولاتىنىن ايتىپ, سالىمشىلارعا ۋادەنى ءۇيىپ-توككەن. ياعني كۇدىكتىلەر سالىمشىلارعا ءار 15 كۇن سايىن 50% كىرىس تۇسەتىنىن ايتىپ, ولاردى ابدەن الداعان.
الايدا ءىس جۇزىندە ەشقانداي باعالى قاعازدار ساتىپ الىنباعان. تولەمدەر تەك جاڭادان تارتىلعان قاتىسۋشىلاردىڭ قاراجاتى ەسەبىنەن جۇزەگە اسىرىلعان. باستاپقى سالىم سوماسى 500 مىڭ تەڭگەدەن باستالعان. ناتيجەسىندە شامامەن 200 ازامات قارجى پيراميداسىنىڭ قۇربانىنا اينالىپ, جالپى سوماسى 1 ملرد تەڭگەدەن استام قارجىسىنان ايىرىلعان.
زاڭسىز جولمەن الىنعان كىرىستەرگە كۇدىكتىلەر تۇركىستان وبلىسىندا جالپى قۇنى 438 ملن تەڭگەدەن اساتىن م ۇلىك — ەكى قىمبات كولىك («Tank 500», «BMW X5»), تۇرعىن ءۇي مەن كوممەرتسيالىق نىسان (مەيرامحانا) ساتىپ العان. سونىمەن بىرگە الاياقتار بۇل م ۇلىكتەردى تاركىلەۋدەن جاسىرۋ ءۇشىن تۋىستارىنىڭ اتىنا راسىمدەپ ۇلگەرگەن.
بۇگىنگى تاڭدا سوت سانكتسياسىمەن اتالعان م ۇلىكتەرگە تىيىم سالىندى. ال كۇدىكتىلەر قاماۋعا الىنىپ, قازىرگى ۋاقىتتا ءتيىستى تەرگەۋ امالدارى جۇرگىزىلىپ جاتىر.
شىمكەنت
