وقيعا بىلاي بولعان, كۇردەلى وتا جاساپ شىققان حيرۋرگ وزگە ناۋقاستاردى قاراۋ ۇشىن قابىلداۋ بولىمىنە كەلەدى. دارىگەردىڭ قابىلداۋى ادەتتە الدىن الا كەزەككە تۇرۋ تارتىبىمەن جۇرەتىنى بەلگىلى. الايدا كەزەك كۇتىپ تۇرعان ناۋقاستىڭ ءبىرى ورىنسىز جانجال كوتەرىپ, دارىگەرگە جۇدىرىق جۇمسايدى. وقىستان تيگەن سوققىنىڭ سالدارىنان حيرۋرگ ەسىنەن تانىپ قالادى.
وبلىستىق اۋرۋحانانىڭ ءباسپاسوز قىزمەتى دارىگەردىڭ اۋىر حالدە جانساقتاۋ بولىمىنە تۇسكەنىن حابارلادى.
پوليتسيا 34 جاستاعى ناۋقاستى ۇستاپ, وعان قاتىستى قر قىلمىستىق كودەكسىنىڭ 106-باپ, 1-ءبولىمى بويىنشا سوتقا دەيىنگى تەرگەۋ جۇمىسىن باستاعان.
وبلىس اكىمى دە وسى وقيعاعا قاتىستى پىكىر ءبىلدىرىپ, دارىگەرلەردىڭ قاۋىپسىزدىگىن كۇشەيتۋگە باسا ءمان بەرۋ كەرەگىن ايتتى.
«جاڭا عانا بىرەۋدىڭ ءومىرىن امان الىپ قالعان دارىگەر وتادان شىعا سالا قىزمەت ورنىندا سوققىعا جىعىلىپ وتىر. مۇنداي سوراقى جاعدايلار ءبىزدىڭ قوعامدا ورىن الماۋى ءتيىس جانە بارشا تۇرعىندار تاراپىنان قاتاڭ ايىپتالۋى قاجەت. قۇقىق قورعاۋ ورگاندارىنا ءىستى تولىق ءارى ءادىل تەرگەپ-تەكسەرۋدى تاپسىردىم. كىنالى ادام زاڭ الدىندا جاۋاپ بەرۋى ءتيىس. ءبىز دارىگەرلەر مەن مەديتسينا قىزمەتكەرلەرىنىڭ قاۋىپ-قاتەرگە ۇشىراۋىنا جول بەرمەيمىز. ولار – كۇندىز-ءتۇنى, كەز كەلگەن اۋا رايىنا قاراماستان, ءوز مىندەتىن ادال اتقارىپ جۇرگەن جاندار. دارىگەرلەردىڭ قاۋىپسىزدىگى مەن قوعامداعى مارتەبەسى – باسىمدىقتا بولۋى ءتيىس. مەنىڭ تاپسىرماممەن اۋرۋحاناعا ورىنباسارىم باردى. زارداپ شەككەن دارىگەردىڭ ارىپتەستەرىمەن بايلانىستامىز», دەدى قۇمار اقساقالوۆ.
قوستاناي وبلىسى
