فوتو: primeminister.kz
«ADCB» يسلام بانكى – قازاقستان مەن تمد ەلدەرىندە اشىلعان العاشقى يسلام بانكى. 2010 جىلى قازاقستان رەسپۋبليكاسى مەن بىرىككەن اراب امىرلىكتەرى اراسىنداعى ۇكىمەتارالىق كەلىسىمگە سايكەس قۇرىلعان. 15 جىل ىشىندە بانك ەلىمىزدەگى جوبالاردى $3 ملرد-تان استام سوماعا قارجىلاندىرعان. بۇلاردىڭ ەڭ ءىرىسى – اتىراۋ وبلىسىنداعى جىلىنا 1,25 ملن توننا پوليەتيلەن وندىرەتىن زاۋىت قۇرىلىسى (Silleno جوباسى), ءاموز جانە پمحز-دا سۋتەگى مەن ازوت وندىرەتىن قوندىرعىلار, قۇرىلىس سالاسىنداعى تەمىر جول ينفراقۇرىلىمىن جاڭعىرتۋ جوبالارى جانە تاعى باسقالار.
«دامۋ» قورىمەن جۇمىس شەڭبەرىندە بانك ەكونوميكانىڭ باسىم سەكتورىنداعى كاسىپكەرلەردى قولداۋعا 25 ملرد تەڭگە ءبولدى. قوردىڭ باسقارما توراعاسى فارحات سارسەكوۆتىڭ ايتۋىنشا, بيزنەستىڭ يسلامدىق قارجىلاندىرۋ قۇرالىنا دەگەن قىزىعۋشىلىعى جوعارى.
كەزدەسۋ بارىسىندا قاتىسۋشىلار ىنتىماقتاستىقتىڭ الداعى پەرسپەكتيۆاسىن, ونىڭ ىشىندە يسلام بانكينگىنىڭ قازاقستاننىڭ سالىق زاڭناماسىمەن ءوزارا ءىس-قيمىل ماسەلەسىن تالقىلادى. بانك وكىلدەرى وتاندىق جوبالاردى قارجىلاندىرۋ كولەمىن ۇلعايتۋ جوسپارى تۋرالى حابارلادى.
سەرىك جۇمانعارين اگروونەركاسىپتىك كەشەندى, اسىرەسە مال شارۋاشىلىعىنا ينۆەستيتسيا سالۋدى ەڭ پەرسپەكتيۆالىق جوبانىڭ ءبىرى رەتىندە قاراستىرۋدى ۇسىندى. قازاقستان تاياۋ شىعىس ەلدەرىنىڭ پرەميۋم ساپالى ونىمگە دەگەن جوعارى سۇرانىسىنا ساي ەت ەكسپورتىن تۇراقتى تۇردە ارتتىرىپ كەلەدى.
