ۆەدومستۆو دەرەگىنشە, شۇعىل شاقىرتۋلارعا كەلۋ ۋاقىتى ورتا ەسەپپەن 8,8 مينۋتتى قۇرايدى. بۇل كورسەتكىش بەكىتىلگەن ستاندارتتارعا سايكەس كەلەدى. ال شۇعىل ەمەس شاقىرتۋلار بويىنشا كەلۋ ۋاقىتى 12–26 مينۋت ارالىعىندا.
كەشىكتىرىلگەن شاقىرۋلاردىڭ ۇلەسى بىلتىرعى 4,3%-دان 2,6%-عا دەيىن تومەندەگەن. ينسۋلت پەن ينفاركت جاعدايلارىندا كومەك بارعان سايىن جەدەل كورسەتىلىپ كەلەدى. قالالاردا ينسۋلتپەن اۋىراتىن ناۋقاستاردىڭ 98%-عا جۋىعى العاشقى 40 مينۋت ىشىندە قاجەتتى ورتالىقتارعا جەتكىزىلگەن.
ءبىرىنشى جارتىجىلدىقتا جەدەل ميوكارد ينفاركتىسى بويىنشا 14 مىڭنان استام شاقىرۋ تىركەلگەن. بارلىق شاقىرۋلاردىڭ نەگىزگى سەبەپتەرى – تىنىس الۋ جانە جۇرەك-قان تامىرلارى اۋرۋلارى, نەۆرولوگيالىق جاعدايلار, جاراقاتتار, ۋلانۋ مەن ينفەكتسيالار.
ەل كولەمىندە شۇعىل مەديتسينالىق كومەكتى 1 579 كوشپەلى بريگادا كورسەتەدى. ونىڭ 979-ى قالالاردا, 600-ءى اۋىلدىق جەرلەردە جۇمىس ىستەيدى. سونىمەن قاتار ەمحانالار جانىنان 882 بريگادا قۇرىلىپ, 3–4-ساناتتاعى شاقىرۋلارعا قىزمەت كورسەتۋدە.
قىزمەتتىڭ كادرمەن قامتىلۋى 86,5%-عا جەتكەن. دارىگەرلەردىڭ ۇلەسى 77,4%-دى قۇرايدى. جەدەل جاردەم پاركىندە 2 469 كولىك بار. جارتى جىل ىشىندە وڭىرلەرگە 84 جاڭا سانيتارلىق اۆتوكولىك جەتكىزىلگەن.
مينيسترلىك جەدەل جاردەم قىزمەتىن دامىتۋ مەن جاڭعىرتۋ باعىتىنداعى جۇمىستار جالعاساتىنىن مالىمدەدى.
